.gif)
Себе се сметате за квалитетна личност и барате иста таква поред себе.
Зошто секогаш недостига нешто? Зошто и кога ќе пронајдете некој кој е речиси совршен, според вашите критериуми, се појавува некој таков недостаток кај него, кој како да фрла црна сенка врз се останато?
Често се фаќате како размислувате на оваа тема, се чувствувате лошо поради истото, па се случило дури и да заплачете се со цел да исфрлите од себе се што ве мачи и тежи.
Неблагодарница со огромни апетити
И тогаш ќе започнете да гледате објективно и сфаќате колку убав и успешен живот имате за разлика од останатите, па се прекорувате дека сте неблагодарница чии апетити не можат да се задоволат.
Вие сте една од оние луѓе кои бара премногу од животот и многу добива, многу повеќе од останатите и тоа благодарејќи на своите квалитети, но секогаш бара повеќе. Вашите амбиции се поголеми од оние на „обичните смртници“. Вие не можете да љубите и да се задоволите со некој просечен. Себе се сметате за квалитетна личност и барате иста таква поред себе.
Невозможна мисија
Но денес да најдете комплетно реализиран маж, со изграден карактер и правилни морални принципи, кој истовремено е одличен љубовник во спалната, е како да барате игла во сено. Ако вие ја имавте среќата да се остварите на секое поле, како успешен ученик/студент, професионалец, човек што знае да ужива во животот и одличен љубовен партнер, вие сте една од малкумината кои ја имаа оваа среќа.
Болна амбиција
Преголемата самодоверба во носи во темните насоки на болната амбиција. Вие сте свесни дека се само повредувате кога ги ставате на кантар мааните и доблестите на вашиот партнер. Барањето на совршенство, ковањето на 10- годишни животни планови и желбата за емотивно, но и материјално ситуиран живот ве прави жртва на една недостижна утопија.
Во несовршенството пронајдете ја убавината!
Луѓето се несовршени, а во несовршенството да ја пронајдете убавината и да се држите за неговите 10 ЗА, наместо за неговите 2 ПРОТИВ е единствениот начин да не постанете огорчена стара мома која цела младост го имала најдоброто покрај себе, но секогаш верувала дека има и талкала по подобро, а сега е сама со својата избледена убавина, дебелото банковно салдо и убавиот стан.
Осудата за вашите преголеми амбиции за комплетен партнер, кои би биле совршени за во некој друг свет и вие би биле лидер над лидерите, за овој свет се само јамка околу вашиот врат која цел живот ќе ви одзема дел од здивот, ќе ве прави тажна во ноќите и несреќна во деновите.
Научете да се задоволите да го цените она што го имате за еден ден да станете сопруга и мајка, улога за која вреди да се жртвува дел од листата со критериуми за избор на вистинскиот животен сопатник.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
