NotForMen

Вие сте нивната бура која ја сакаат повеќе од се на светот, но на моменти никако да запрете и сте толку напорни.

Како да се функционира покрај едно толку комплексно суштество, како жената, а да се остане во нормална психичка состојба? Животот ги натера дел од мажите да најдат решение, тие постанаа „Yes Man“ (филм 2008).

Прибежиште од бурата

Порано се противеа, ви докажуваа и објаснуваа, но вие говорите со 300 на час и секогаш сте во право, па така беспомошни при крајот со нервите мораа да пронајдат прибежиште од бурата, која никако да престане.

Вие сте нивната бура која ја сакаат повеќе од се на светот, но на моменти никако да запрете и сте толку напорни со своите преголеми барања, каприци, километарска листа желби и што уште не, па така тие мораа да го пронајдат спасот.

Слатко ДА

Преку ноќ вашиот партнер на секој ваш коментар започна да реагира со климање на главата, потврден одговор или едноставно со молк, кој вие го сфаќате како потврда. Се почна да функционира поубаво. Вие задоволни што се прифаќа вашето мислење, а тој со мирна глава.

Некои од работите навистина ги исполнува, други остава времето да ги избрише од вашата глава, трети вели дека ги заборавил итн., но со своето ДА во мигот кога вие бевте во екот на тоа барање ве смири, а со текот на времето и кај вас неговото неисполнување не предизвикуваше веќе толку бурна реакција.

Горко ДА

Тој внимателниот „слушател“, кој на мигови не слушаше ни збор од вашиот долгометражен говор и вие борецот за своите права имавте одличен живот, но полека како да ве надвладеа монотонија и ви стана досадно.

Врската или заедничкиот живот повеќе не ви претставуваше задоволство, затоа што добивавте се што ќе посакате (или барем вам така ви изгледаше), немаше кој да ви се спротивстави, на адреналинот му кажавте збогум, а се што ви остана беше вашиот партнер, кој сама го претворивте во „папучар“.

Потоа од него го баравте спротивното, да ви се спротивстави, да биде маж, да стои зад своите ставови и така до недоглед. Еднаш ви беше премногу мачо, еднаш премногу романтичар. Зар не е време и вие да се одлучите што сакате? Можеби навистина премногу бараме од нив, зарем не?

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...