.gif)
Големи дилеми се вртат во нивните глави, а тие се зафаќаат со сериозни анализи на се што е од женски род околу нив.
Се уште пробуваме да ги проголтаме метросексуалците, а трачарите веќе пристигнаа на нашите порти. Полека, полека влегуваат во наша кожа и ја крадат секоја женска карактеристика.
Мажите кои порано не ги интересираше ничиј живот, мислење, а жената ја ценеа само според сопствената проценка, денес стануваат дури и поголеми озборувачи од нас жените.
Машки озборувачи
Ќе ги видите со искривени вратови во дискотеките, како си потшепнуваат нешто на увото и на криво ја погледнуваат девојката, која стои до нив. Најтрагично е што не го прават тоа за да уживаат во погледот на нејзините убави облини, туку затоа што минатиот викенд ја виделе во црвено Ferrari на Водно.
Големи дилеми се вртат во нивните глави, а тие се зафаќаат со сериозни анализи на се што е од женски род околу нив.
Нивните анализи
Ако наидат на примерна девојка, односно некоја што не спие со секој маж во градот и имала еден дечко, тогаш сурово знаат да прокоментираат за неа, дека таа е „фригидна“. Ако девојката има сериозна врска и е целосно посветена нему, тогаш е „будала“, која не знае како да си го живее животот и си ја троши младоста залудно.
Ако таа е во врска, но понекогаш знае да си го зачини животот со интернет флерт или разговор со некое момче во диско, тогаш таа е најголема „грешница“.
Ако пак девојката е опуштена, го живее животот од ден за ден и го прави тоа што ќе посака, тогаш таа е „неморална“.
Големите умови дискутираат идеи; просечните умови дискутираат настани; малите умови зборуваат за луѓето.
Залудно изгубено време
Дали нивната компетентност за проценка на секое суштество, припадник на женскиот пол, е потврдена со некаква диплома? Жално е што кај повеќето од нив не е потврдена ниту со искуство.
Поголемиот дел од времето го поминале во локалните кафулиња, озборувајќи ја прекрасната бринета која поминува покрај нив, наместо како ѕверови да се борат да ја освојат убавицата. Можеби со своите коментари сакаат да ја намалат вредноста на таа девојка на „пазарот“, затоа што тие, иако очајно ја посакуваат, немаат храброст, ниту пристап, ниту можност да ја имаат.
Единствениот совет за сите озборувачи и завидливци е: Земете го огледалото, погледнете се прво себе си, прокоментирајте се, погрижете се за вашиот живот, пред да започнете со „средување“ на туѓите!
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
