NotForMen

Но маженственоста, решителноста и гордоста негова, кои на почетокот ве занемеа, сега се повеќе водат кон крајна пресуда – смртна казна на вашата врска.

Ве прогонува мислата дека после последната голема кавга, тој нема да се јави, иако тој е виновникот, иако најверојатно сфати дека погреши, иако сте сигурни дека ве сака. На неговата глава невидливи еленски рогови, а неговата гордост го притиска плафонот.

Краткорочен магнет

Но маженственоста, решителноста и гордоста негова, кои на почетокот ве занемеа, сега се повеќе водат кон крајна пресуда – смртна казна на вашата врска.

Истражувањата ја покажуваат магнетската моќ на овие особини кај мажите врз една жена, но што станува кога гледаме долгорочно? Дали неговите рогови се добри за вашето ментално здравје?

Ве мачат дилемите

Зошто ја бираат гордоста наместо срцето? Зошто им е поважно напумпаното машко его отколку нивното нежно срце, кое сигурно чука во ист ритам со вашето?

Додека вие плачете, тој рамнодушно ја анализира и објаснува ситуацијата, кога вас ве води срцето, него го води умот и така до бескрај во две низи на спротивности.

Говори со едноличен тон, а вие од се срце посакувате да забележите барем една единствена солза како блеснува во неговите очи. Но не!

Силно е машкото срце пред вас, но слабо пред коментарите на другарите, пред мислењето на останатите, пред судот нас околината. Затоа неретко бираат да бидат горди рогоносци, тажни сами дома во ноќите, наместо разголени емотивци пред очите на јавноста. Болката зад затворени врати, иако не со драматични сцени како ние жените, сепак ја искажуваат склопчени на својот кревет, размислувајќи за донесените одлуки и носталгично сеќавајќи се на старите добри денови поминати со вас.

Истоштена од кревање бело знаме

Попуштивте еднаш, попуштивте два пати, но годините го направија своето, а вие ја исцедивте сета ваша енергија со константно кревање на белото знаме после секоја заедничка караница.

Потчинета, загрижена, попустлива... доста ви беше од оваа улога. Зар не е време да се чуе и вашиот глас?

Престанете да бидете жртва на неговото напумпано его, и да си ставате кочници на своето вистинско „јас“. Бидете она што сте, а на патот доаѓа човек, доволно зрел, доволно мудар, доволно чувствителен, да знае од време на време да ја признае својата грешка и тој да вложи ронка труд во оваа врска со понекогаш кренато бело знаме или да знае да занеме од болка и каење пред вашите солзи.

Крајно време е да забраните неговите еленски рогови да ја параат вашата душа. Вредна сте за љубов, за прошка, за почит!

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...