NotForMen

Зар е смртен грев на девојка си да и ја каже причината за неговата потиштеност?

Гледате дека го мачи нешто, а тој ниту да каже, ниту да се потруди да ви објасни во што е проблемот. На вашите прашања одговара дека се е во ред, а во неговото однесување одлично забележувате дека нешто и тоа како не е во ред. Повторно и повторно низ вашата врска така се провлекуваат проблемите, а односите само се заладуваат.

Се обидувате со клешти од устата да му ги извадите зборовите, со лопата копате по емоциите во неговото срце, но никако да дојдете до срцевината, а во неа скриени и емоции и грижи и отворени прашања.

Зошто им е толку тешко да зборуваат со нас? Зар е смртен грев на неговата девојка да и ја каже причината за неговата потиштеност?

Можеби токму ние сме виновниците за неговото однесување и со нашите постапки го повредуваме, но ние нема да запреме со тоа, освен ако конечно не се одлучи да проговори и да ни даде до знаење. Не знаеме да читаме меѓу редови!

Мажи време е да почнете отворено да зборувате за проблемите бидејќи тоа е единствениот начин на кој може да се решат, а врската да успее.

• Јас не знам дека ти давам преголемо темпо на врската.
• Јас не знам дали си љубоморен на мојот најдобар пријател.
• Јас не знам дека ти пречи што толку време им посветувам на пријателките.
• Јас не знам дека дома имаш семејни проблеми и токму тоа е причината поради која си константно нерасположен.
• Јас не знам дека шефицата на работа ги истура фрустрациите врз тебе за да престанам да ти зборам за унапредувањето.
• Јас не знам дека мојот темперамент ти е пречка во секојдневието.
• Јас не знам дека сето тоа го правиш затоа што ме сакаш.
• Јас не знам дека си бил повреден некогаш и затоа сега имаш доза на резерва.
• Јас не знам дека си забележал и те изнервирало што ја заборавив минатата месечнина.
• Јас не знам дека сакаш слободна вечер со другарите.
• Јас не знам дека не ти се излегува затоа што немаш пари.
• Јас не знам дека сум ти поубава кога имав 5 килограми повеќе.
• Јас не знам дека сакаш сериозна врска и брак можеби.
• Јас не знам дека седиш за мене на Фејсбук ако не ми пишеш.
• Јас не знам дека го држиш телефонот секоја ноќ пред спиење двоумејќи се, кога тој не ѕвони во моите раце.
• Јас не знам дека сакаш прошка, кога тоа не го бараш од мене.
• Јас не знам дека навистина ме сакаш ако не ми го кажеш тоа!
• Јас нема да знам многу работи ако ти не ми ги кажеш искрено и отворено, а ти знаеш дека те сакам и дека би направила се што можам за да бидеме среќни!

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...