NotForMen

 

Од сите инструменти најгласно звучи барабанот, можеби затоа што е празен внатре. Секоја чест за исклучоците, но оваа мудрост не е далеку од вистината за денешниве мажи. Тие се најгласни во пофалбите за своите „можности“ и „способности“ и, што е уште пострашно, во барањата кон припадничките на понежниот пол. Зарем не ви се чини постои епидемија на неамбициозни мажи?

Нагласени критериуми за женското однесување и изглед

Зарем не ви се чини дека современото општество и неговите недоволно одговорни припадници на машкиот пол секојдневно допишуваат по некој императив за женскиот изглед и однесување?

Од жените се бара да се убави во секоја прилика и успешни на секое поле. Истовремено да се извор на љубов и внимание, а за возврат се почесто добиваат негирање на достигнувањата и нагласување на грешките.

Зошто прифаќаме да се менуваме?

Дали стравот од не возвратената љубов е причина за пасивното менување на жените?

Која е цената што ја плаќаат за да изгледаат привлечно во очите на мажите, како физички така и ментално и дали таа е пропорционална со задоволството како резултат на таа промена?

Се за машкото внимание

За да привлечеме еден машки поглед на улица, во дискотека или на одмор треба да:

Поседуваме тело со пропорции 90-60-90, ни грам целулит, во никој случај стрии или акни

Да сме облечени по последна мода што подразбира деколте со пуш-ап градник  и штикла 15 см, а тоа не е баш секогаш удобно

Да бидеме образовани и да имаме успешна кариера, но да не заработуваме повеќе од партнерот бидејќи тоа би можело да ја навреди неговата суета

Да умееме да чистиме, готвиме, и да бидеме љубезни со неговите роднини и пријатели

Да ја скриеме љубомората за неговото понекогаш чудно однесување

Треба да сме подготвени за брак и деца, но кога тој ќе посака

Класичните стандарди за женската убавина подразбираат идеална фигура: големи гради, рамен стомак, долги нозе, полни усни. Ова претставува притисок за оние жени кои не се надарени со сите овие квалитети, што и не е реално.

Од кај се раѓаат комплексите кај припадничките на понежниот пол?

 Голем дел од истражувањата покажуваат дека пред концепцијата за современа женственост се поставуваат нови бариери и неможноста за нивно надминување раѓа комплекси кај дел од жените.

Страв, лутина и депресија би можеле да бидат последици од неуспешната мисија да се промените во полза на мажите.

Дали вреди да се менувате, проценете сами!

Во денешно време жените градат успешни кариери, солидно заработуваат и изгледаат попривлечно од било кога.

Притоа мажите не играат некоја посебна улога во тоа. Сепак 90 % од жените сакат да бидат во официјален брак, додека пак потребата за љубов е присутна кај 99, 9 % од жените. Зарем не ви се чини дека потребата за љубов  и поддршка е посилна од поривот за самостојност?

Верувајте во себе и сами исцртајте ја црвената линија до каде може да одат промените!

Моралниот и емотивниот интегритет, карактерот со сите доблести и маани и надворешниот изглед се лично наша сопственост и само ние одлучуваме дали, како и до каде ќе ги менуваме.

 Доколку постојано сте под влијание да се промените, можеби токму тој маж не ве љуби доволно?

Доколку сте паметна жена ќе умеете да ја процените „зделката“ на лична промена, што и колку давате од својата личност, а што добивате за возврат.