.gif)
Ги освојува жените со фактот дека е самопрогласена позната фаца во градот.
Вчера се најдовте во друштво каде вашата способност за културна комуникација со машките соговорници наиде на непредвидена бариера.
Токму тогаш кога си ветивте дека ќе бидете глуви за нивните површински коментари упатени за женскиот род и уште помалку за нивните неосновани фалби, во вашето друштво се најде претставник токму на таа класа, кој за сметка на женскиот род ја нагласуваше својата лажна машкост.
Можеби е рано да се дрзнете да судите за неговиот, од километри виден, мангупски карактер, но самата ситуација ве наведе да таа постапка.
Неговиот нарцисоиден монолог
Се најдовте на иста маса токму со тој - најспособниот, најшармантниот, и се останато во суперлатив. И тука почна неговиот нарцисоиден монолог, а вие останавте фрапирани од количеството на изнесени фалби.
Зарем некој го праша за колку троши кога излегува или за ВИП третманот низ локалите во градот? За неговиот најнов модел на автомобил, односно неговата „јака кола која троши премногу“?
Тука некаде е и муабетот, онака низ разговор, за недвижнините кои ги поседува. Дали тој, со своите 23 години и ни ден работно искуство или неговите родители? Уште едно мамино и татино синче кое не пропушта прилика да се пофали со својот животен стил.
Сите жени во неговиот живот
Следна точка на раскажување се сите жени во неговиот живот. Слободното време е одлучувачки фактор за да се досадува и ја користи секоја прилика да заведе што е можно повеќе жени кои со задоволство ги чести и со уште поголемо задоволство ги носи во кревет.
И додека вие го игнориравте неговиот разговор, не можевте да поминете и преку следната фаза од разговорот.
Следуваа сите сочни детали од сите негови авантури со жените, се разбира, со посебен акцент на неговите мангупски квалитети.
Нему секогаш му успевало да ги заведе, да ги излаже, да ги искористи и на крај тие да бидат луди по него. Ова беше премногу!
Дали планетата се врти околу него?
Знаете многу добро дека доволни се само две реченици кои ќе го спуштат од височините во кои се вивнал овој мачо мен и да го вратат од филмот кој, колку и да е актуелен, е од најдосаден жанр.
Свесни сте дека постои ризик, тој со својата скромна интелигенција и површински сфаќања за својот апсолутно „исполнет“ живот да не ја сфати поентата на вашиот коментар, но ќе ризикувате.
Очајната страна на шовинизмот
Кое е задоволството да ги освојува жените со фактот дека е самопрогласена позната фаца во градот со нешто повеќе пари од останатите?
Ако жените му служат за самодокажување, а згора на тоа се дрзнува да раскажува детали обојувајќи ги со својата бујна и болна фантазија, тогаш за ваквите губитници треба да постои најстрашна игноранција.
Додека тој остана со подотворена уста кога овие зборови излетаа од вашата уста, вие останавте свои како и секогаш, кажувајќи ја вистината на реален начин. Зарем тоа не беше вашиот придонес за мисијата против машкиот шовинизам чија тенденција на ширење е подржана токму од ваквите типови?
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
