.gif)
Кога мажите почнаа да ја рамнат нашата интелигенција со онаа на пиле?
Едниот преку ноќ ќе ве направи ангел на Victoria’s Secret, на другиот ќе му бидете муза, на третиот божица, а се тоа само со една цел - за да ве освои!
Колку се креативни машките умови и што се може да се најде во нивното сценарио дознајте, но овој пат нема да ги поделиме на млади ловци и стари набљудувачи, туку...
Мажот – моден фотограф!
На вратот со својот професионален апарат и акредитациите за многу модни збиднувања се вртка низ познати локали. Речит, снаодлив и веќе искусен ви говори како за прв пат гледа задник така добро да стои на патики и толку неверојатно долги нозе.
Потоа ви ветува бесплатни фотосесии, целосна негова поддршка и лет до модните писти во Милано за помалку од една година.
ВО ВАШАТА ГЛАВА: Размислувате браво за ентузијазмот и слободниот пристап, но зарем се уште има толку наивни девојки кои би паднале на овие празни ветувања? Кога мажите почнаа да ја рамнат нашата интелигенција со онаа на пиле, па да помислат дека не сте свесна за својата нефотогеничност или за големиот задник.
Снаодлив лажливец без друго, ако не е успешен во целта, тогаш барем ќе вежба нова професија – глума.
Мажот – жртва!
Малку како потресен раскажува за својата неодамна раскината 5 годишна врска, сета љубов кон неа и сета нејзина неправедност кон него.
Пишува поезија, става љубовни Фејсбук статуси, а цедето во автомобилот му е компилација од најромантичните љубовни песни на сите времиња. Изобилува со манири на вистински џентлмен и отворено кажува дека се што сака е да ја пронајде жената на својот живот.
ВО ВАШАТА ГЛАВА: Вие во себе размислувате колку била тенка линијата преку романтиката и патетиката. Прекрасната форма на срцето полека ви добива одбивен изглед кога по кој знае кој пат го гледате постирано на неговиот профил.
Размислувате браво за издржливоста на неговата поранешна девојка, бидејќи вам после само 1 месец со него ќе ви биде доволно и од изливи на нежност и од љубовни изјави и од брачни планови и ќе го фатите првиот воз за Недојдија, а ниту авионскиот билет во прва класа за прошетка низ Париз не би ви го поправила впечатокот за овој „патетичар“.
NotForMen препорака: Кавалерот за својата дама
Мажот – несфатен!
Ви пристапува со реченици подолги и покомплицирани од филозофиите на Фридрих Ниче, ви говори за нетипичен начин на живот и за несфатеноста од околината.
После сите жалби од површноста на другарите, празноста на девојките и притисоците од родителите вели дека во вас ја пронашол божицата на своето срце. Ве поставува на пиедестал до кој само тој ќе може да допре, а и себично ќе ве штити од светот.
ВО ВАШАТА ГЛАВА: Па и мажите биле креативни, си помислувате... Недостигот од хумор и својата антисоцијална природа ја припишува на некоја си виша сила и интелигенција, а одбивањето девојките да се дружат со него на површноста на нивниот ум. Навистина детално подготвен пристап со кој сака на уникатен начин да ви го покаже патот до неговиот кревет.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
