NotForMen

Не бидете жртва на лоша комуникација, а уште помалку не дозволувајте таа да стане повод за разделба.

Како да се соочите со моментот кога силната љубов почнува да бледее, а на долгогодишната врска со партнерот и се бројат деновите?

Што можете да сторите за да останете под ист чадор додека страшно невреме го зафаќа вашето љубовно небо?

Се наоѓате на само неколку чекори од раскинувањето, а веќе го чувствувате допирот на болката и мирисот на безнадежноста дека нема да умеете понатаму сама.

Во некои ситуации е неизбежно, но често пати има повеќе од доволно поводи да се потрудите да го спречите раскинувањето.

Еве на што треба да внимавате за да ја одржите врската здрава и квалитетна, а заканите за нејзиното раскинување да останат само неважен спомен од вашата реалност.

Подобрете ја комуникацијата

Не бидете жртва на лоша комуникација, а уште помалку не дозволувајте таа да стане повод за разделба.

Експертите за врски советуваат на секој проблем без разлика на неговите димензии да му посветите време и внимание и секако труд да го решите.

Одложувањето и премолчувањето ги трупаат проблемите кои може многу лесно да ја наполнат чашата на вашето или неговото трпение, а со последната капка разделбата е најпосакуваната опција.

NotForMen препорака: Нормални работи во врска

Без навреди и обвинувања

Нападот не е најдобра одбрана кога е се работи за љубов.

Заобиколете го најлесниот начин - навредите да ги сервирате со повишен тон и да го обвините за сите реални и измислени грешки.

Треснувањето врата, љубоморните сцени и обвинувањата дека проблемите се негова заслуга наместо да ја поправат ситуацијата  може само да го забрзаат ставањето на точка по вашата приказна и дефинирање на различните патишта за двајцата.

Покажете му дека ви значи

Некогаш одамна ги киневте ливчињата на цветот „ме сака, не ме сака“ и верувавте на приказните од шолјата кафе, но сега барате веродостојни докази на љубовта. Истото важи и за вашиот партнер затоа покажете му колку ви значи.

Потсетувајте го дека го сакате, а со малите изненадувања покажете му дека љубовта е вашиот најголем мотив да ги надминете сите кризи кои се закануваат на вашата врска.

Љубовта нека биде вашиот заеднички одговор на прашањето за разделбата. Ветете си Стоп за мазохизмот: Време е за љубов!

Дознајте неколку интересни факти за раскинувањето!

Италијанскитe експерти проценуваат дека прекинот на врската престанува да боли дури по шест месеци, колку што е потребно да се излечи повредената гордост и да се надминат брановите на нерасположеност.

1 / 3

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...