NotForMen

Женската перспектива за машките навики на моменти е многу чудна. Ако постојано не ви повторува дека ве сака не значи дека љубовта не ја покажува преку дела, а тоа што му е потребно повеќе време за зближување и повеќе слобода не треба да биде закана за вашата врска.

Исто така, понекогаш може да ја прескокне комуникацијата или акцијата во кревет, едноставно затоа што е уморен или нерасположен.

Љубовта ја покажуваат преку дела

Нема потреба од вашиот очај дека тој не ве сака затоа што тоа не ви го повторува по пет пати на ден.

Вистината е дека мажите најчесто забораваат да кажат „те сакам“, но тоа го покажуваат со дела.

Наредниот пат пред да ја сервирате вашата драма по повод недостигот на вербална љубов сетете се дека тој тоа ви го покажува со утринското кафе, билетите за вашиот омилен концерт и зготвената ужина.

Некои психолошки истражувања покажале мажите немаат потреба да зборуваат премногу, но тоа не значи дека не ја слушаат партнерката или комуникацијата во врската е доведена во опасност.

 NotForMen препорака: Машки навики кои ги иритираат жените

 

Потребно им е повеќе време за зближување

Живеете за моментот кога тој ќе го повлече потегот за следното ниво од вашата врска или упорно се измачувате со помислата дека е време да ве побара за жена кога се функционира идеално, а тој дури се плаши да ве запознае со родителите?

Пред да почнете да му вршите притисок треба да знаете дека на мажите им е потребно повеќе време за зближување и официјално врзување во врска, а подоцна и брак.

Тие мора стопроцентно да бидат сигурни дека сте вистинската за нив и да ги проверат сите околности.

Сакаат лична слобода

Ве вадат од кожа неговите собири со машката дружина и оние разговори околу спортот или автомобилите, но токму на таков начин тие ја искажуваат својата потреба за личен простор и слободата која им е потребна како кислород.

За да не им го загрозите тоа право во тие моменти пожелно е да не ги барате на телефон и во никој случај да не посакате да ги придружувате.

Не секогаш се расположени за акција

Иако ви звучи како невозможно, но и мажите не секогаш се расположени за акција. Уморот или стресот се главните виновници за нивното намалено либидо, а не некоја друга девојка или идејата дека повеќе не сте им привлечни.

Пред да потонете во сомнежи дека нешто не е во ред со вашиот партнер затоа што не инсистира на секс треба да имате на ум дека и тој има логични причини за тој потег.