.gif)
Дали ќе бидете уште една на списокот на чекање за неговата љубов , а потоа и уште една плус во неговата листа на жени кои по ништо не се разликуваат?
Со два збора тој би се опишал како Господин Совршен, а доколку имате на располагање повеќе зборови за него ќе кажете дека тој е убав и шармантен, внимателен и нежен, интелигентен и забавен.
Па воопшто не е чудно што талка низ соништата на голем број жени од различни генерации кои не кројат какви се не стратегии за успешен поход кон неговото срце.
Но и тука релативноста има замешано прсти, односно неговата апсолутно идеална појава крие некои недостатоци. Зошто жените паѓаат на неговиот шарм, а на недостатоците затвораат очи?
Која е тајната на неговиот шарм?
За него ќе кажат дека е повеќе од значајна личност во општеството, а токму тој негов статус е афродизијак за повеќето жени.
Ако на сето тоа се додаде и претпоставката за сумата на неговата банкарска сметка тогаш ќе ви биде јасно зошто толку жени се палат на неговиот шарм за кој како најмногу заслужни да се брендираните парчиња облека и клучот од скапиот автомобил во неговите раце.
Ќе ви раскаже за случувањата во градот на кои бил почестен гостин и за неговите патувања на интересни дестинации, а вие ќе си помислите колку е умешен во организирањето na време, а и комуникацијата му е јака страна. Дури и со сопствен труд да се изборил за статусoт во општество и тој има свои недостатоци кои успешно ги камуфлира со материјалното богатство, а дел од жените се тие кои без проблем му ги опростиле за да се најдат во неговата постела. Да, постојат и такви жени.
NotForMen препорака: Ах, тие негови фалби
Ист како и другите
Нему не му останува ни најмал простор за освојување бидејќи жените му е се нудат како на тацна со изговор дека неговиот шарм е повеќе од неодолив.
И токму во моментот кога ќе се најдат во негова непосредна близина ќе сторат се за да така останат подолго. Дури кога ќе се случи тоа ќе сфатите дека неговата просечност не го одвојува од другите мажи буквално по ништо. И тој изневерува и тоа повеќе од останатите бидејќи статусот тоа му го овозможува без ни најмалку труд.
И тој посветува внимание додека да ве освои, а потоа ве заборава, ветува, а не исполнува. И тој е од крв и месо како и секој останат маж па затоа ги има истите маани кои успешно ги крие со своите мачо трикови, а всушност тоне во сопствените комплекси.
Лажен сјај
Дали ќе бидете уште една на списокот на чекање за неговата љубов, а потоа и уште една плус во неговата листа на жени?
Уште многу одамна тој не научил да сака, па затоа сега брза да ги заведе сите за да го сакаат, а тој да ужива, а неговиот шарм е само привидна маска зад која ги крие сите свои недостатоци. Не е злато се што сјае исто како што може да не се вистинити сите гласнини што кружат дека тој е совршен затоа не трчајте по блесокот што тој го остава во средината каде се појавува. Можеби тоа е само блесокот на неговиот општествен статус и финансиска моќ, но не и карактерот и машкоста која ја барате.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
