.gif)
На почетокот таа и полна со разбирање и максимално трпелива, но како што гледаше сфаќаше дека тој се гуши во врската.
Средношколска љубов која грееше клупи уште долго после школските. Тие двајца беа совршениот пар, не најубавите, туку најсоодветно вклопените две парчиња на едно цело.
И ведри и забавни и паметни млади луѓе, тие беа пријатно друштво за секого и парот пример за околината. Кога седеа на тркалезна маса со друштвото беа најдобрите другари, кога светлата беа пригушени беа најстрасните љубовници, а кога светкаа диско топките беа најоткачените танчари на подиумот.
НЕГОВИТЕ НОВИ АПЕТИТИ
Минуваа години, енергија не избледнуваше, но тој посака нов адреналин. Апетитот за животот се разгоре во него, па посака да види нешто повеќе освен четирите ѕида со својата дама.
На почетокот таа и полна со разбирање и максимално трпелива, но како што гледаше сфаќаше дека тој се гуши во врската, дека премногу млад стана премногу сериозен во ветувањата кон една жена и иако за него таа е најубавиот цвет тој нема да биде среќен во животот, а таа го љубеше и среќа му посакуваше.
NotForMen препорака: Запре животот за разочараната девојка
КРАЈОТ НА ВРСКАТА
Ја окончаа врската. Сите без запрепастени, а тие двајцата чудно помирени со одлуката. Никој не знаеше што се случува зад затворени врати, но навидум изгледаше како да нема страшни бури.
Години се во прашање, сигурно имаше поразителен плач, но никому не беше дозволено да ѕирне низ клучалката. Тој го живееше својот сон. Животот му доби нова динамика и дишеше со полни гради, но секогаш токму таму на левата страна недостигаше нешто. Необјаснива празнина која го пратеше со месеци.
NotForMen препорака: Мажот со лузна на срцето
НАДЕЖИТЕ ПОТОА
Се колебаше овој маж, не знаеше дали направи добро што ја пушти да си оди, но како потсвесно да си веруваше дека таа еден ден ќе биде повторно негова и лежеше комотно во својата фотелја.
Мислеше дека секој нареден маж во нејзиниот живот ќе и биде само авантура, како што него му беше секоја попатна девојка, со очи поубави од нејзините, но никогаш помили.
ФАТАЛНОТО „ДА“
И тогаш комфорот го наруши едно силно „да“, кое до ден денешен одекнува во неговите уши. Таа му кажа „да“ на новиот маж во нејзиниот живот, средношколската љубов беше комплетно истуркана од пиедесталот во нејзиното срце, а неговата љубена, се што ќе му биде во животот е несудена.
Конфузни чувства му ги потеа дланките, а факторот изненадување се гледаше јасно на неговото лице. Да потрча ли повторно по неа или да ја остави да биде среќна во своето ново гнезденце?
Не знаеше дали е подготвен за живот со неа, беше премногу млад, но знаеше дека таква љубов можеби и нема да почувствува повторно.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
