.gif)
Понекогаш мажите навистина забораваат што имаат покрај себе. Доволно ви покажал колку ве сака и сега може да лежи до крајот на годината. Но, правилото е многу едноставно, љубовта е кршлива и мора постојано да се негува.
Наместо да седите очајна и да чекате работите да се вратат на старо, РЕАГИРАЈТЕ! Смисливме генијален план, а вие ќе ни кажете дали се покажа за успешен. Еве ја дрмата што треба да му ја приредите!
Тема на драмата: Предизвикување љубомора!
Костимографија: Нова долна облека, фустан со длабоко деколте, јака шминка, сензуални усни, провокативен парфем.
Улоги: ВИЕ во улога на неверница, ПРИЈАТЕЛКАТА во улога на љубовник.
Прв чин: Појавете му се на врата изморена, жедна и со кеси во рацете. Седнете на каучот и побарајте чаша вода. Пожалете се колку многу ве изморил шопингот. Тој веднаш ќе потрча да види што има во кесите. Веднаш ќе се насмее кога ќе ги види гаќичките со боја на црвено вино. Грабнете му ги и буквално излетајте од вратата со изговорот дека треба да ве соберат за накај дома.
Втор чин: Поканете го кај вас дома, но заборавете да му споменете дека за два часа треба да излезете на „средба со пријателките од средно". Убедете го да поседи и уште да ве префрли до локацијата. Сега е време за шоу. Целата растрчана појавете се на сцената во долна облека „заборавајќи" го фустанот. Повторно вратете се да земете кармин. На крај застанете пред него и замислено ставете од парфемот додека усните ви светат под светлото. Мирисот ќе ги разбуди неговите сетила и копнежот да биде со својата принцеза.
Трет чин: Време е да ја вклучите и вашата пријателка. Нека ви испраќа скокотливи пораки од непознат број. Содржината нека биде поврзана за тоа како вие сте прекрасна девојка, нежна со неверојатен сексапил. Финтата е додека сте со него постојано да се слуша оној познат звук на стигнување порака. Повлекувајте се додека ја читате и смешкајте се со наведната глава. Можете и да излезете од локалот за да го примите повикот од „љубовникот." Тој веднаш ќе почувствува дека нешто мотате и дека постои некој што ви здодева. Сигурно дека нема така лесно да дозволи друг да ја краде насмевката од вашето лице, а за нешто повеќе да не зборуваме.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
