.gif)
И мажите не се ништо подобри кога станува збор за подметнување на оние мали тестови по кои сака да ја дознае вашата реакција. Иако во секоја ситуација човек различно реагира, сепак добро е да биде сигурен.
Најчесто мажите ги пуштаат овие тестови на почеток на врската. Ако го положите тестот, потоа е мирен. Но, сé додека не знае, не очекувајте да се фали дека сте му девојка или, пак, да го промени статусот на Facebook од single во in a relationship.
Еве ги триковите што решија да ни ги откријат:
Трикот на Марко (24 )
Со оглед на тоа што имам фобија од посесивни и љубоморни девојки, редовно им го правам тестот за љубомора. Отворено ќе ѝ кажам дека бившата ми се јавила или ми пишала на месинџер. Ако почне да ме испрашува и да се сомнева како одеднаш и текнало да ми пише или дека и јас сигурно и претходно сум ѝ пишувал... тогаш можам да замислам каква иднина ме чека со неа. Навистина лош потег, особено кога сме на почеток на врската и уште некои работи не се јасни.
Трикот на Иван (24)
Целиот живот ме нервирало кога мајка ми вика по татко ми зашто се вратил дома поднапиен. Како мал мислев дека е во право, но не и сега. Голема работа ако човекот излегол да се релаксира на едно пиво. Нема потреба од кревање врева кога не го прави тоа секој ден. Затоа често практикувам добро да се напијам кога сум со девојка и да видам што ќе прави со мене. Ако вика, ме тутне на другарите и избега за да не се заморува со мене, може да прејдам на друга.
Трикот на Срѓан (28)
Пред да купам нов автомобил, возев „застава 101". Работите се сменија за 360 степени, фалеше уште другарките да почнат да ми се додворуваат. Тоа страшно ме нервира. Затоа на првиот состанок секогаш се појавувам со „101" за да видам како убавицата ќе реагира. Еднаш ми се случи среде возење да откаже, па моравме да ја туркаме на „Партизанска". Колку бев изненаден кога девојчето на потпетици стана, се смееше и ми помогна во туркањето. Тоа навистина ме освои.
Трикот на Бојан (27)
Најважно ми е девојката со која сериозно ќе излегувам да сака да експериментира в кревет. Тоа не значи дека барам за жена порноѕвезда, но не и некој труп што само чека на готово. На подарок добив лисици и им се заблагодарувам на тие што ми ги купија. Редовно ги користам како оружје за проверка. Досега не ми се случило некоја да не сака да си играме со нив, на почеток се мислат и се срамат што е логично, но добри се и прифаќаат сугестии.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
