Зборувавме за тоа дека мажите не паметат датуми. Ова не го зборуваме тукутака, и науката е на наша страна. Затоа, ако ве обвини дека читате глупости или дека донесувате погрешни заклучоци, кажете му дека постои цело истражување за тоа како нивниот мозок памети датуми.
Всушност и не ви е потребен некој си истражувачки тим за да дојде и да ви каже дека вашето момче има дупка во мозокот. Секоја година на своја кожа ги чувствувате непријатните морници од неговата индиферентност.
Не можете да го смените тоа што го носи во себе, но можете да влијаете на неговото однесување. Не за друго, ќе ги поштедите нервите од предвремено оштетување. Е сега...како да го изведете тоа? Како да направите следната година да се сети на вашиот роденден или годишнина?
Круг во календарот...
На бирото на работа, на бирото дома, обесен на ѕидот во ходник...секаде каде што ќе видите календар заокружете го датумот што ви значи. За да се разликува од останатите кругови, вие нацртајте срце или едноставно напишете: РОДЕНДЕН-КИКА.
Потсетник на мобилниот...
Можете да му оставите порака во бележникот, но постои ризик да не го прочита. Затоа денес мобилните во никој случај не може да направат да заборавите нешто. Во reminder обележете го датумот и часот кога сакате телефонот да заѕвони. Ако само го исклучи и не ви се јави, тогаш навистина имате причина да бидете лута.
Вртење од околу...
Нема ништо лошо во тоа да ја спомнете темата за роденденот неколку дена порано. Сигурно дека нема да му речете да ви честита по секоја цена, но не боли ниту да споменете дека се ближи датумот. На пример, отворете тема за тоа како да го прославите, каде да излезете или што сакате да добиете на подарок.
Знак на screensaver...
Неговиот компјутер е уште еден начин да го потсетите дека се ближи големиот ден. Нацртајте цртеж во paint, означете го датумот, украсете со цветче и сонце и зачувајте ја на десктопот. Ако сметете дека потсетувањето е премногу агресивно, тогаш напишете ја датата на screensaver и наместете да се појавува по половина час.
