Често се случува да немате време за својот партнер, бидејќи работните обврски ви се многу напорни и ве прават неспособнoи за што било во текот на остатокот од денот. Тоа значи дека често не сте функционални да ги извршите обврските кон својот партнер. Но, не е сè така црно.
Често и проблемите зближуваат. Нека не ве фаќа паника. Првиот знак на неволја не значи дека ви следува катастрофа, туку може уште повеќе да ве зближи со партнерот. Само треба да знаете како да ја извлечете користа од сето тоа и да направите баланс помеѓу приоритетите во животот. Мора да најдете начин како да остварите „златна средина" помеѓу љубовта и работата така што да не запоставите ниту една од двете страни.
Извлечете корист!
Ако ја трошите енергијата и времето на работните обврски, често се случува да немате време за љубовниот живот. Сепак, во таа трка со времето и обврските, склони сме да предвидиме дека дури и работата може да ги разбуди интересите за секс и да дејствува стимулативно. Најголемите проблеми се јавуваат кога едниот од вас (или двајцата) е принуден да го поминува своето време на работното место. Но, дури и да се најдете во таква ситуација мора да се концентрирате на користа која од работата ја има вашата врска, па макар тоа биле и парите.
Најдете ја средината!
Поставете граница помеѓу љубовниот живот и работата. Ограничете ги своите разговори за работата на одредено време и не дозволувајте темите за вашата работа да бидат основа на комуникацијата со партнерот. Доколку мора да останете прекувремено на работното место, подоцна одвоите исто толку време и за приватниот живот со партнерот. Недоволното познавање на работата со која се бави вашиот партнер и обратно е уште една причина за појава на проблемите.
Сите приближно знаеме со што се занимава нашиот партнер, но не можеме да знаеме со какви притисоци и нервози секојдневно се соочува. Затоа најдобро е да иницирате разговор (никако осудувачки), во кој ќе ги дознаете специфичните аспекти на неговата работа. Така ќе добиете шанса да кажете и вие збор-два за вашата за да постигнете заедничко решение и разбирање.
