Мажите сакаат секс во тројка, но само со две жени!
Конечно вашето момче ве убеди да имате секс во тројка. Две женски истовремено е сон речиси на секој маж. Две жени, двојно задоволство. Сексот во тројка е фантазија, која многу сакаат да ја доживеат барем еднаш во животот. Особено машките. Всушност станува збор за мини оргија. Но, ако направите мала анализа ќе сфатите дека сексот во тројка не е толку совршен како што звучи. Ако сте во стабилна врска и се согласите во кревет да ви дојде трета личност, исходот може да биде или еротски или разочарувачки.
ТРЕТАТА ЛИЧНОСТ
Сексот и љубовта скоро секогаш одат заедно. Пред да се одлучите да ја исполните неговата најголема фантазија, бидете сигурни дека тој цврсто верува во вашата врска и дека новата девојка е само за забава и ништо повеќе, бидејќи во спротивно вашиот партнер може да се заљуби и да го изгубите засекогаш.
Исто така, ако девојката која ќе учествува во вашите сексуалните игри е неверојатно привлечна и секси, постои сериозна опасност токму вие да се заљубите во неа. Доколку едната од вас, или најдобро двете, сакате само пријателство, в ред, но во спротивно, може да се случи да зачекорите во погрешна насока. Сексот во тројка се темели на задоволство, а не на љубовен однос, затоа пазете на крајот да не останете разочарани.
ВНИМАТЕЛНО СО ИЗБОРОТ
Не е лесна работа да се одлучите на секс со некој кој не го познавате. Затоа внимателно со изборот и држете ги очите широко отворени. Пред да ја примите новата девојка во креветот, запознајте ја подобро. Лесно може да се случи третата личност да ви ја уништи врската, со тоа што може да се „затреска" во вашиот партнер.
ШТО КАЖАА ДЕВОЈКИТЕ НА ФОРУМОТ НА NOT FOR MEN?
Предрасуди?
„Се прашувам колку девојките кај нас се слободни да пробаат секс во тројка? Јас лично не би пробала. Не дека некогаш не ми прелетала таква мисла, но од фантазии до реалност има цел еден океан"
Ivan4e
Страв од делба!
„Некои се прават силни, ама тешко. Не за друго, можеби со други непознати, ама ако треба момчето да го делиш со некоја, ќе размислиш малку. А ако сакаш тој да викне уште некој, нема шанси"
queen
Не е неопходно!
„Сексот за мене е нешто интимно, не е само задоволување на сексуалната желба, туку споделување на чувства, љубов. Сум размислувала на оваа тема, но знам дека никогаш нема да го направам тоа. Има многу други варијанти да се зачини сексуалниот живот доколку затаил."
Bitch
СВЕТЛАТА СТРАНА
Сексот во тројка за вас може да биде незаборавно искуство кое ќе го паметите цел живот. Доколку внимавате на заштитата, хигиената и односот со партнерот, тројката може да биде најсекси момент кој само ќе ја направи вашата врска поцврста. Но пред да се впуштите во вакво нешто, размислете два пати дали сте подготвени за да го сторите тоа?!
