Љубовта одбира чудни патишта и некогаш поради емоциите кои не обземаат не сме во состојба да ја видиме правата слика за партнерот
Секоја од нас сака да го пронајде својот идеален партнер, па затоа, често се случува мажите и жените да градат љубов врз проекција на желбата. Но, работата е во тоа што, колку и да се трудиме сепак не можеме никого да промениме. Без разлика дали станува збор за прељубник, алкохоличар или оженет маж, никогаш нема да го промените и да го претворите во тоа што сакате да биде.
Една е реалноста со која тешко се соочувате, а друго се нашите желби и проекции во главата.
СЕ ЛАЖЕМЕ СЕБЕ СИ!
Широка е палетата на илузиите со кои се лажеме самите себе. На пример: вашиот љубовник со кој моментално се забавувате е во брак, a вие верувате дека тој ќе ги напушти женaта и семејството. Можеби е во прашање маж кој често влегува во кревет со разни жени, не го признава неверствата и често лаже. Затоа немојте да се надевате премногу. Љубовта одбира чудни патишта и некогаш поради емоциите кои не обземаат не сме во состојба да ја видиме правата слика за партнерот.
Можеби пак станува збор за врска на далечина или за врска во која парот се состанува еднаш неделно. Тогаш е лесно да имате очекувања бидејќи со таа личност вие не поминувате многу време и можеби мислите дека го познавате доволно, меѓутоа стварноста е полна со компликации и сите наведени примери се слаби темели за развој на стабилна и сериозна врска. Чудата понекогаш се возможни, но градењето врска врз основа на самозалажување и не е баш некаков успех.
СО РОМАНТИЧНИТЕ КОМЕДИИ ДАЛЕКУ ОД РЕАЛНИОТ СВЕТ
Благодарејќи на романтичните комедии и љубовните приказни со среќен крај, нашите очекувања од врската стануваат нереални. Секој има право на своите соништа и желби, но кога живееме во лаги и се надеваме дека нашиот партнер ќе се промени бидејќи ние така сакаме, доаѓаат разочарувањата. Иако на сите им е потребна љубов, поради љубовта луѓето прават непромислени постапки. Повеќето жени целосно се препуштаат на лажните зборовите на мажот и сметаат дека тој е љубовта на нивниот живот, а всушност сето тоа е само илузија
„ЌЕ СЕ ПРОМЕНАМ АКО ГИ ИСПОЛНИШ УСЛОВИТЕ"
Ако вие се согласите да ги исполните неговите барања со надеж дека тој ќе се промени, би било подобро да размислите уште еднаш пред започнувањето на таквата врска. Мала е веројатноста дека ќе биде таква каква што сте ја замислиле, иако тоа не се чувствува на самиот почеток.
