.gif)
Колку подлабоко навлегувате во врската, толку повеќе го отежнувате раскинувањето.
Првиот состанок знае да биде навистина непријатен, особено ако не се појават искри. Наместо да уживате, вие гледате само да заврши средбата и никогаш повеќе да не го видите досадниот тип. Обично во вакви ситуации луѓето се согласуваат дека многу полесно е да бидеш одбиен отколку да одбиеш некој. Кои се вистинските зборови со кои ќе му кажете дека не сакате да ја продолжите врската, а без при тоа да го повредите. Сепак човекот ништо лошо не ви стори, но ете вам не ве привлекува, а на сила работите не одат.
Замислете дека уште пострашно е да треба да откачите некој после првиот состанок. Знаете дека тој ќе го побара вашиот број, а вие сигурно нема на тоа да одговорите - НЕ МОЖЕ. Како е најдобро да постапите...да му го дадете бројот и после да се правите недостапна, да му дадете лажен број или отворено да му кажете дека не е ваш тип?
ПРЕДЛОЗИ ЗА ТОА КАКО ДА ОТКАЧИТЕ ФИНО МОМЧЕ:
(тој е културен, фин дечко што навистина заслужува девојка што ќе го сака, но за жал вие не се гледате во тој филм)
Мала бела лага - објаснете му дека штотуку излеговте од врска и се уште немате расчистено со вашите емоции. Потенцирајте дека сте воодушевена од неговата личност и токму поради тоа не сакате да го повредите, но дека ќе му се јавите штом се средите. На овој начин се добива впечаток дека вие се жртвувате во негово име, а тој во никој случај нема да помисли дека некаде згрешил. Но, не претерувајте со ветувањата...не сакате да го натерате да помисли дека навистина има шанси да бидете заедно.
„Да останеме само пријатели" - ваквата постапка е нежна само поради фактот што вие му одавате признание дека тој е добар човек. Можеби не го сакате како љубовник, но не сакате и да го исклучите од својот живот. Секогаш постои ризик дека тој ќе проба да ве премисли...затоа внимавајте вашите пријателски средби да бидат строго пријателски. Избегнувајте интимни средби, среќавајте се во гужва, за да не добие погрешен впечаток.
ПРЕДЛОЗИ ЗА ТОА КАКО ДА ОТКАЧИТЕ ИДИОТ:
„Ти не ја заслужуваш ни најлошата девојка на светот "- доколку налетате на идиот што цело време не ја извади бившата од уста (во негативна смисла), му се правеше газда на келнерот, се обидуваше да ве допира, беше некултурен и безобразен...не срамете се да му кажете во лице дека се каете што воопшто излегов те со него. Воопшто не водете сметка за неговите чувства бидејќи редно време е некој да го спушти на земја.
Скријте се под земја - понекогаш и молкот е одличен показател за дечкото да сфати дека не сте заинтересирана за него. Не одговарајте на неговите пораки и позиви. После ваквото игнорирање, тој несомнено ќе почне да се преиспитува каде згрешил, што значи ефектот е постигнат. Индиректно вие ќе му помогнете да научи како треба да се однесува со дама.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
