.gif)
Не можете да го промените секој човек на светот.
Ако проблемот што го имате со вашиот партнер не е закана по вашето здравје, безбедност, финансиска сигурност или не и контрира на вашата визија за тоа како треба да изгледа бракот, можеби е само знак дека сте различни луѓе, различни карактери.
Можеби вие сте социјална личност; сакате забави до раните утрински часови, а тој повеќе би сакал да остане дома и да го гледа својот омилен филм по којзнае кој пат. Можеби вие сте лидерот на работното место; сакате да ги организирате работите, а тој претпочита да му се дадат инструкции по кои ќе се води. На крајот на краиштата, можеби вие сте ранобудник, а тој сака да спие до доцна. И најмалата ситница може да се претвори во сериозен проблем, ако не знаете како и кога да го изнесете тоа што ви пречи и би сакале да се промени. Решението е да го прифатите, а не да се обидете да го промените; разгледајте ги останатите опции пред да се впуштите во жестока расправија без поента.
ОДБЕРЕТЕ ГО ВИСТИНСКОТО ВРЕМЕ
Проблемите нема да се решат тогаш кога сте уморни, гладни, раздразнети, под стрес или кога имате некоја друга работа. Не карајте се додека готвите, додека одите кон работното место, или преку телефон. Оставете ги важните разговори за некоја подобра прилика.
НАУЧЕТЕ ДА ПРИФАЌАТЕ
Не можете да го промените секој човек на светот. Дури и да има такви изгледи, ќе промените само дел од него, и тоа само затоа што тој има волја за тоа. Но, никогаш нема да навлезете во сржта на неговата личност и да ги промените неговите карактеристики вкоренувајќи му го тоа што вам ви одговара. Научете да го сакате поради тоа што е, а ако не ви успева, тогаш тој можеби не е вистинскиот за вас.
НЕ ИЗБРЗУВАЈТЕ СО ЗАКЛУЧОЦИ
Можеби тој е уморен, нерасположен, или пак има некоја друга грижа што го оптоварува. Имајте разбирање; можеби во тој момент не може да ги согледа последиците од своето однесување. И наместо да почнете да му викате и да го обвинувате дека не се грижи за вас и вашата врска, оставете го некое време. Кога ќе се почувствува подготвен за разговор, самиот ќе го побара тоа од вас.
НЕ БАРАЈТЕ ВИНОВНИК
Тоа е тајната на успешните бракови. Пристапот кон проблемот е најважен за негово понатамошно решавање. Наместо да критикувате и обвинувате, прашајте го партнерот како се чувствува, можеби има нешто што и нему му пречи. Повишениот тон не е решение за ништо, додека идеите, мислењата и отворениот разговор ќе и дадат сосема нова насока на вашата врска.
БИДЕТЕ РАМНОПРАВНИ
Осигурајте се дека и двајцата имате подеднакво време да ги искажете своите мислења. Ако се обидете да доминирате, само ќе му покажете дека не сте подготвени на компромис, а тоа ви одзема поени. Не го прекинувајте, оставете го да се искаже, помалку зборувајте и слушајте го до крај. Охрабрете го да се отвори и дајте му на знаење дека сакате повратна информација.
ПРЕКИНЕТЕ ЈА ДИСКУСИЈАТА НАВРЕМЕ
Доколку забележите дека едниот од вас премногу се вознемирува и разговорот го претвора во конфликт, веднаш прекинете. Не се размислува со жешка глава, а во такви моменти лесно може да излетаат зборови за кои подоцна ќе зажалите. Одете во посебни соби, излезете надвор, прочитајте неколку страници од омилената книга, згответе нешто... најдете начин да „оладите", и да ги спречите сите лоши мисли што ќе се обидат да ви навлезат во главата.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
