Колку порано дојдете до вистината, толку полесно ќе се соочите со неа!
Веќе подолго време се сомневате дека вашето момче е хомосексуалец, но не знаете како да дознаете? Сте пробале со следење, со читање на неговите пораки, проверување на неговата електронска пошта, прислушкување на неговите разговори, но не сте го дознале тоа што сакате...Не е лесно да се дознае дека вашето момче е хомосексуалец. Но, кон тоа не треба да пристапите со остра реакција, затоа што така само ќе ја примите негативната страна од неговите емоции, затоа што тој веќе е во пекол од самото сознание. Затоа земете длабоко воздух и размислете пред да избувнете!
Пробајте да изгледате како да немате проблем со тоа што вашето момче е хомосексуалец. Но, ќе успеете само доколку тој е комплетно искрен спрема вас. Се разбира, тоа нема да ја олесни болката, но барем ќе ви помогне да продолжите со вашиот живот. Ова се нашите предлози:
ЗАПОЗНАЈТЕ ГИ НЕГОВИТЕ СТРАВОВИ
Многу е веројатно дека вашето момче знаело уште пред да започне врска со вас дека е хомосексуалец и бил преплашен да се соочи со тоа. Но, можеби дознал за своите чувства кон истиот пол од кога започнал врска со вас (што е многу честа појава). Најверојатно му е страв дека целиот свет ќе му се урне и дека вие ќе го мразите или дека ќе го одбегнувате по признавањето. Вие го знаете најдобро, па затоа пријдете му и дознајте кои се неговите стравови. Сигурно на почетокот на вашата врска било премногу лесно да разговарате за сите тешки ситуации. Пробајте да го ислушате, да му покажете дека не го одбивате и пробајте да влијаете на неговите одлуки. Покажете му дека ја прифаќате неговата сексуална определеност, иако вас тоа ве боли. Стиснете заби и покажете му дека што и да се случило, Вие ќе бидете секогаш покрај негокако пријателка!
ТРГНЕТЕ ГИ ВАШИТЕ ЕМОЦИИ НА СТРАНА... БАРЕМ ЗАСЕГА!
Знаеме дека болката е голема, но за да добиете повеќе информации и за да дознаете повеќе за тоа како дознал за хомосексуалноста, мора да имате бистра глава. Ќе имате доволно време за она „Но, зошто ме лажеше? Зошто не ми кажа дека си хомосексуалец?" Бидете разумни и рационални и нека почне да ве гледа како пријателка, а не девојка. Ќе му покажете дека го разбирате и дека можете на позитивен начин да комуницирате со него, дека сте зрела личност и дека можете да разговарате како двајца возрасни. Ваквиот метод секогаш успева, за разлика од оној со викање и со навредливи зборови.
ПОВТОРНО СТАНЕТЕ ПРИЈАТЕЛИ
Ако навистина вашето момче е хомосексуалец, вие би биле последната личност на која би сакал да се довери. Ако одамна престанал со водење љубов или со интимности, тогаш знајте дека се дистанцира. Сфатил дека згрешил. Да, ве сака, но нема храброст да ви ја каже вистината. Знае дека признанието ќе му го промени целиот живот, врската и се друго од што зависи. Бидете другарка која штотуку ја запознал. Најпрво, покажете дека сте помирена со неговата хомосексуалност. Пробајте да најдете начин со кој ќе му покажете дека според Вас, нема ништо лошо во тоа да сте хомосексуалец. Сепак, бидете внимателна како го правите тоа за да не го налутите и да се почувствува како да го обвинувате за нешто. Бидете трпелива. Ќе ви каже се кога ќе се почувствува подготвен.
БИДЕТЕ ОТВОРЕНИ
Се досега, работите се одвиваа споро. И вие сте во оваа врска и заслужувате одговори. Можеби ќе ги добиете со мал конфликт, но чувствувајте се пријатно еден покрај друг пред да го започнете разговорот. Седнете го и кажате му како се чувствувате поради неговото однесување. Покажете му дека ви е важна неговата среќа, но дека сакате да знаете дали е искрен со вас. Кажете му дека не сакате да се карате или да го обвинувате со лажни обвинувања, туку дека само барате да биде искрен со вас, исто како што сте вие со него.
СФАТЕТЕ ДЕКА МОЖЕБИ НЕ Е ПОДГОТВЕН
Доколку не успеете со разговор, можеби не е подготвен за тоа (или едноставно не е хомосексуалец и вашиот разговор го смета за смешен). Треба да знаете дека никогаш нема да добиете прецизен одговор дека е хомосексуалец. Не можете да го присилите да признае. Се што можете данаправите е да изгледате фина и да забележите дали тој е подготвен да биде фер спрема вас. Доколку не е, тогаш тоа е вистинскиот момент да престанете да зависите толку од него и да се заштитите самите себеси.
