Не бидете старомодни и преземете ја акцијата во свои раце!
И жените треба понекогаш да преземат иницијатива кога станува збор за сексот. Не треба се да се очекува партнерот се да прави додека вие само лежите така незаинтересирано. Во сексот нема правила. Затоа искористете го тоа, експериментирајте со партнерот. Ако се пронаоѓате во следните потточки тогаш е време да ја покажете вашата дива страна.
Една од работите што мажите ја мразат е да не лежите незаинтересирано додека имате секс и да очекувате дека тој се ќе ви сервира. Жените треба да бидат активни, иако мажот е одозгора. Мрдајте, гребете го, покажете му дека уживате со него. Ако само лежите мирно, наскоро тој може да ја загуби желбата за секс...како и неговата ерекција!
Скоро секоја жена ќе се согласи дека сака врели бакнежи низ целото тело. Истото е и со мажите, иако некои од нив ова не би го признале. Нежно милување, влажни бакнежи...ништо не возбудува повеќе.
Некои старомодни мажи се уште мислат дека мажот треба да ја преземе контролата за време на сексот. Морате да научите како вие да ја преземете контролата во свои раце, да му покажете што сакате и како да ве задоволи. Верувајте дека партнерот ќе биде многу возбуден за оваа промена и ќе ја послуша секоја команда со големо задоволство.
Немојте да го збуните партнерот. Ако не ги покажувате чувствата јасно и гласно, мажите никогаш нема да знаат дали уживате во сексот. Не се срамете да врескате од задоволство...Пуштете некој глас надвор за да му откриете на партнерот како се чувствувате.
Ако чувствувате дека сексуалниот живот станува едноличен и ако сакате нешто да смените, тогаш преземете иницијатива. Не се држете до старите навики. Изненадете го партнерот со секси долна облека, еротска играчка, стриптиз...Никогаш не одбивајте сугестија само затоа што сте исплашени да пробате нешто ново. Ништо лошо нема да ви се случи ако пробате!
Мажите не сакаат ако жената никогаш не го прави првиот чекор. Не бидете толку срамежливи и старомодни - ако сакате да имате секс, направете го тоа. Вашиот партнер ќе биде многу возбуден. И двајцата ќе бидете задоволни - вие ќе добиете што сакате , тој ќе знае дека го посакувате и дека не водите љубов со него само затоа што тој сака.
Да, жените сакаат да муабетат, но не разговарајте за времето или за вашите нови сандали во кревет. Не треба да дискутирате и што сте заборавиле да купите. Заборавете на секојдневните обврски и предадете му се на моментот. Секако може да му зборувате некои валкани работи. Само тоа е дозволено!
Сексот треба да биде страстен. Не се фокусирајте на нешта кои можат да бидат скршени, дали соседите ве слушаат...Некои жени знаат да се променат од секси конкубини во домаќинки веднаш по сексот...ќе почнат да ги местат чаршавите, да средуваат итн. Затоа не ја уништувајте еротската атмосфера, милувајте се со партнерот и уживајте во прегратките по сексот.
