Успешниот брак бара вештина во грижата за другиот; почит и разбирање до крајот на животот.
Брачниот конфликт може да настане на два начини: кога партнерите не може да се усреќат еден со друг, или кога еден со друг се прават несреќни.
Вистинските потреби во брачната заедница се толку силни што доколку не се задоволат, луѓето паѓаат во искушение да го побараат задоволството надвор од бракот. Тие стануваат неразумни и занесени, а со тоа бракот се претвора во деструктивна сцена. Ова најчесто е ненамерно. Во многу од случаите, болката е неподнослива, па разводот е неизбежен.
Успешниот брак бара вештина во грижата за другиот; почит и разбирање до крајот на животот. Кога ќе ја научите лекцијата, вашиот сопруг ќе ве смета за неодолива, а тоа е клучен елемент на среќниот брак.
Може да имате среќен брак ако научите да:
ОБРНУВАТЕ ВНИМАНИЕ НА ЕМОЦИОНАЛНИТЕ ПОТРЕБИ НА ДРУГИОТ, И СЕ ОБИДУВАТЕ ДА ГИ ЗАДОВОЛИТЕ.
Ова е едноставен факт, што полесно е да се каже отколку да се примени. Кога стапувате во брак, вашите и очекувањата на партнерот се многу големи. Двајцата се согласувате да „ги напуштите сите останати", и да се концентрирате на вашиот интимен однос. Тоа не значи да правите се што тој ќе побара од вас, но има неколку клучни услови што треба да ги исполните, како вие така и тој, за да не се чувствувате како нешто да ви недостасува.
Треба да запомните едно - секоја личност е уникатна. Мора да ги идентификувате вашите и потребите на партнерот, и да ја утврдите вистинската комбинација. Вашиот партнер е тотално различен од вас, и тоа е тоа што треба да го знаете за да почнете да функционирате како беспрекорно.
НАЈВАЖНИТЕ ЕМОЦИОНАЛНИ ПОТРЕБИ
НАКЛОНЕТОСТ
Наклонетоста е експресија на љубовта и темелот на врската. Ја симболизира сигурноста, удобноста и приврзаноста во една врска - витални елементи на секој машко - женски однос. Кога се прегрнуваме со нашите пријатели и блиски луѓе им покажуваме дека се грижиме за нив.
СЕКСУАЛНО ЗАДОВОЛСТВО
Длабоката желба да водите љубов со вашиот сопруг е рефлексија на вашата потреба од емоционална и физичка блискост. Кога му кажавте „ да" на вашиот сопруг, значи дека се согласивте да му бидете доживотен сексуален партнер. Го дадовте ова ветување затоа што верувавте дека меѓусебно ќе си ги задоволите сексуалните потреби.
РАЗГОВОР
За разлика од сексот, разговорот е потреба што може да биде задоволена надвор од бракот. Но, најмногу позитивни поени ќе добие оној кој најдобро ќе го направи тоа; па дури е и возможно да се заљубите во таа личност.
РЕКРЕАТИВНО ДРУЖЕЊЕ
Не е невообичаено за една жена да го придружува својот партнер кога тој гледа фудбал, оди на риболов или ужива во некои други активности. Во врска е потребно партнерите да бидат колку што е можно повеќе време заедно, а тоа значи едниот да оди таму каде што оди другиот. Тоа важи и за мажите.
ИСКРЕНОСТ И ОТВОРЕНОСТ
Секој копнее по искрена и отворена врска, затоа што така се чувствуваме посигурни. А за да бидеме сигурни, потребни ни се точни информации за мислите, чувствата, навиките, дневните активности и планови за иднината на партнерот, со еден збор - комуникација.
ВОСХИТ
Некои луѓе едноставно уживаат да слушаат дека некој им се восхитува. Восхитот е една од потребите што најлесно се задоволуваат. Потребна ви е само една реченица, и сте го разубавеле неговиот ден.
ПРОДОЛЖУВА
Целосниот текст побарајте го на страните од 7-от број на женското списание Unique, кој веќе е достапен во сите трафики ширум Македонија.
