.gif)
46% од жените после „еднократниот секс“ се чувствуваат злоупотребено и се каат за својата слабост и непромисленост.
Си го дозволивте и вие тој луксуз, а сега копнеете по мистериозниот принц... Ненадејно сексот за една вечер се претвори во водење љубов.
Дали и вие некогаш сте паднале на нечиј физички магнетизам и сте завршиле во прегратките на тотален странец? Напливот на страсти го надвладеал рационалното расудување, барем еднаш во животот, кај 50% од женската популација. Изненадувачки, но сексот за една вечер и порано осудуваниот амерички блуд стануваат македонско секојдневие. Едновечерните авантури неретко се резултат на љубовно разочарување, разнишана самодоверба или едноставно стануваат издувен вентил на модерните жени.
Но сепак ние сме балкански жени, иако рамо до рамо со Западноевропејките и Американките се бориме против половата дискриминација, се уште веруваме во „бајки" и водење љубов.
Неизбежното „Каде води сето ова?"
Можеби се прашувате дали сте единствените кои очајно по задоволувањето на нагоните бара некоја повисока цел, а по едновечерната авантура сонува за „олтар". Пристапот дефинитивно е погрешен, но некогаш не можеме да одиме против самите себе и токму затоа дури 46% од жените после „еднократниот секс" се чувствуваат злоупотребено и се каат за својата слабост и непромисленост.
Нормално ситуацијата кај мажите е поинаква. Тие се горди на својот статус „пастув" и дури 80% од нив со потковано, машко его тргнуваат во нови походи. Еволуцијата и борбата за опстанок ги претвори во будни ловци, сметаат психолозите.
Остатоци од добропознатото правило: Жените преку сексот бараат љубов, а мажите преку љубовта секс.
И вие се заљубивте во вашиот мистериозен принц, а тој само ладнокрвно пали цигара и се подготвува да замине....Тревога!!!
Не, само вдишете длабоко, зауздајте го емотивниот наплив и ставете ја маската на ледена принцеза. Само на тој начин ќе го привлечете неговото внимание и МОЖЕБИ ќе станете една од оние ретките кои едновечерната авантура ја крунисале во врска.
Секојдневно ќе чуеме по некој пример како долгогодишна, заљубена двојка шегобијно раскажува за своите почетоци со „секс без обврски", кој резултирал со интимност, чувства и искрена љубов.
Сепак да го сведеме ризикот на минимум!
Само почитувањето на своето тело и самоконтролата може да те заштитат од непотребни стресови. Верувај ти си доволно вредна да се будиш во прегратките на човек кој те сака и почитува, а тој е доволно вреден да му посветиш време да го запознаеш, процениш и освоиш на добриот старомоден начин- преку разговор и искрена насмевка.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
