.gif)
Поканете го на поинаков состанок, надвор од градот.
Да, и вие бевте една од оние среќни, заљубени двојки чии блескави очи оддалеку ги издаваа... Другарките сонуваа за врска како вашата,а вие се прашувавте што сте направиле толку добро во животот за да заслужите ваква среќа. Деновите беа кратки, а заедничките ноќи ви се лизгаа низ прстите неосетно. И наеднаш од таква розова бајка како сив облак да се спушти над вас, а вие секоја вечер заспивате со помислата „каде исчезна магијата“?
Заљубеност Vs. љубов
Не грижете се...Не сте ни првата, а уште помалку последната двојка која постанала заробена во навиките и подзаборавила што беше тоа адреналин, возбуда и слатки планови. Силните емоции на почетокот од врската ве направија доволно блиски да се чувствувате пријатно и убаво заедно на било кое место, во било кое време. Но едно е заљубеноста, а сосема друго љубовта. Заљубеноста е хемија, момент, залет, додека пак љубовта е нешто сосема друго кое треба да се надградува и негува од ден во ден. Довербата, разбирањето и комуникацијата се камен темелник за една врска. Но сепак монотонијата и тоа како може да натежне на темелите.
Спремете се за акција
Размислувајте за местата каде што не сте биле заедно до сега, искусете нешто ново, запознајте нови луѓе, дружете се!
Отидете на утринско кафе, но овој пат не кај него дома или на улица Ленинова. Дома сварете кафе, ставете го во термос, спакувајте некоја прекривка за седење и правец Скопска Црна Гора. Свежиот планински воздух позитивно ќе влијае на вашето здравје, а вие ќе уживате сами во природата.
Проверете го распоредот на железничката станица и резервирајте карти до манастирот во близина на Велес или било кој друг по ваш избор. Возењето со воз ќе му даде уникатен белег на ова патување, а манастирот ќе ви пружи духовен мир и ќе ве восхити со својата античка убавина.
Оваа година на место да отидете на викенд во Охрид, по речиси 100-ти пат, појдете во селото Радожда. Ќе уживате во селскиот амбиент, а нема да ви биде одземено ни задоволството да ве заплискуваат брановите на Охридското Езеро. Понесете трски со себе. Верувајте вие ќе се релаксирате, а вашето момче ќе биде воодушевено од вашиот интерес за овој рекреативен спорт.
Појдете во најблиската продавница и купете ги сите видови на пудинзи, бисквити и чоколади за готвење и експериментирајте во кујната. Направете ја најголемата торта по ваш измислен рецепт, закитете ја со засладени јаготки и славете го на пример 76-тиот ден од годината.
И кога не е Нова Година - прославете, и кога не е 1-ви Мај- направете скара во природа со пријателите, и кога не ви годишнина од врската- подарете му нешто. Па кој вели дека секој ден не може да биде Велигден!
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
