.gif)
Неговата љубомора не сакајќи може дури да заврши и со некоја модринка по вашето тело.
Сигурно и вие сте имале некој таков во животот со кого сте се сакале премногу, наоколу летале енергични разиграни пеперутки, но преголемата љубомора како да фрли вода врз овој сладок пламен. Тој ви ја одзема слободата и личниот простор со неговите нерационални постапки.
- Јавување па 20 пати на ден, покрај мотивиран од желбата да ве чуе, повеќе мотивиран од нагонот да ве провери каде сте и со кого сте.
- Понекогаш дури и после кафето со најдобрата пријателка бара извештај за вашите разговори, за случајно да не сте споменале некое поранешно момче.
- Ноќните излегувања со другарките се смртен грев, кој тешко ќе ви го прости.
- Забрана за алкохол, за случајно пијана да не паднете во прегратка на туѓ маж.
- Ако случајно сте излезена сама во диско телефонот мора да го чуете во секое време.
- Задолжително јавување по пристигнувањето дома, па дури и да го разбудите.
- Нормално пред да излезете давате извештај за дестинацијата и листата на луѓе со кои ќе бидете.
- Дури и кога сте излезени сами прави драма за момчето кое „слатко“ сте го погледнале.
- Често знае да ви направи вистинска сцена, па дури и да ве извлече надвор на темелна дискусија, пред вашето друштво.
- Го носите да се запознае со вашите пријателки, а тој цела вечер е намќор бидејќи чувствува дека „ве шмека“ дечкото на едната од нив.
- Во некои пригоди знае да ве врати дома да се пресоблечете бидејќи фустанчето ви е претерано кратко или деколтето премногу длабоко.
- Неговата љубомора не сакајќи може дури да заврши и со некоја модринка по вашето тело.
- На фејсбук профилот секојдневно ви остава романтични песни, срца, става ваши слики и ред други работи со кои ја покажува својата љубов, но и нагласува на сите ваши машки пријатели дека вие сте зафатена и само негова.
- Неколку пати досега сте го фатиле како се обидува да ви ја пробие лозинката и без дозвола пребарува по фолдерите со стари слики од вашиот компјутер.
- Ако некој другар ви пише порака тој за миг доаѓа до заклучок дека тој е смртно вљубен во вас.
- Моравте да ги избришете сите телефонски броеви од поранешни момчиња во вашиот именик.
- Секогаш следува прекор ако тој не е на екранот на вашиот телефон или компјутер.
Овие и ред други очајни потези да ве задржи само за него со кои не прави ништо добро освен што ве гуши, ја убива љубовта, а вие ако сакате да го изневерите ќе го сторите тоа повторно. Ќе му кажете дека спиете, дека сте на факултет или на ручек кај родителите, а вие ќе уживате во прегратката на вашиот љубовник.
Врската не е поврзаност со окови, врската е поврзаност со љубов, доверба и почит.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
