.gif)
Како може да биде толку флегматичен, а спиењето да му биде најголемото задоволство во животот?
Го живеете денот со полн здив затоа што знаете дека утре не ви е ветено. Работите, се борите, но затоа пак сакате секој слободен миг да го поминете со пријателите, со љубениот во забава и релаксација.
Вашиот сладок план
Вашите родители заминаа на одмор, а вие првото што го правите се седумте бројки од неговиот телефонски број и отворена покана за целодневен престој кај вас. Да ги минувате миговите со него ви е замисла за убаво поминат миг.
Со блага еуфорија му се јавувате, а тој за само неколку секунди успеа да го расипе вашето расположение со неговото ладнокрвно „премногу е топло, ќе се видиме вечер“ или „навистина сум уморен, ми се спие се уште“ и ред други изјави.
Ја спуштате слушалката и се уште не можете да сфатите како нема желба да дојде до кај вас, вие би го сториле тоа за него и да треба да одите боса по врелиот асфалт до неговиот дом. Како може да биде толку флегматичен, а спиењето да му биде најголемото задоволство во животот?
Ја нема вашата искра за живот
Искрата за живот и енергијата која ја имате во себе не се негова карактеристика.
Токму затоа што знаете дека ве сака, се чудите како можеше да ја одбие вашата покана. Потоа вие повторно сте обвинети за диктатор, тиранин и организатор на неговиот живот, но како да не кренете бунт против оваа рамнодушност. После подолго време конечно имавте еден ден, кој ќе биде само ваш, без гласот на родителите од соседната соба или гужвата во кафулињата, а тој токму денес не може да ја поднесе горештината. Во лето е премногу топло, во есен има дождови, зимата е навистина хорор филм на студ, мраз и снег, а пролетта е време на алергии, тоа е вашето предвидување, кое најверојатно и не е многу далеку од вистината.
Епидемија на флегматичност
Ех, каде се мажите кои со војнички чизми по снег од метро и половина се пробивале до домот на љубената, само да и ја видат насмевката и да ја бакнат за добра ноќ. Овие денешните мајките ги научија да сркаат од златна лажичка, па сега се плашат од јулското сонце како од крволочен пес со најостри заби.
Со оваа тенденција наскоро ќе имаме машки пол на чии припадници ќе треба да им праќаме личен возач до дома да ги земе за да ги извади од домот, флегматичноста комплетно ќе завладее со нив, па можеби и ние ќе треба да постанеме иницијатор за сексуални односи. Потрагата по изгубената машкост е нашата мисија!
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
