.gif)
И покрај неговите 25 години, сеуште е трета година на факултет и тоа вонредно за да не станува секој ден рано за предавањата.
Тој има десет девојки, на секој прст по една од нив и секако дека не се плаши една да го остави! На добар дел од денешниве мажи оваа ситуација им е секојдневие. И како да не им биде, кога имаат премногу слободно време.
Школски другарки, колешки, сосетки, црни и плави - сите тие се на машкото секојдневно мени за исполнување на времето. Уште еден женкар во градот, а можеби и во вашето срце!
Непоправлив шармер со животна цел за луда забава
И покрај неговите 25 години, сеуште е трета година на факултет и тоа вонредно за да не станува секој ден рано за предавањата. Родителите не му дозволуваат да работи се додека не дипломира, а никој не знае дали и кога ќе се случи тоа.
Тој е принуден да пие по три кафиња на ден, низ градските локали , во друштво на другарите, слични како него. Се разбира тука се и другарките или девојките, дури и тој самиот не знае во какви односи е со нив.
Едната средношколка, другата постара од него, третата манекенка - за да му завидат другарите. И сега со која да го планира викендот кој се очекува да биде многу „јак“ и „бурен“ поради пијанката кај некој другар и потоа во некоја од градските дискотеки.
Целовечерна дружба со алкохолот, забава до раните утрински часови и девојка, на која едвај и го знае името, под рака– така изгледа неговата саботна вечер. Утредента веќе е резервиран за некоја друга, најверојатно тоа ќе биде познаничката од Фејсбук.
И така ден по ден, му минува времето на овој шармер, кој дома го доживуваат и воспитуваат како 15 годишно момче на кое сеуште му е потребен зготвен појадок и пари за излегување. И се разбира поддршка за факултетските денови.
Трудољубивиот маж премина во историјата
Нему не му тешко дома да ви приготви појадок, ниту пешки да ве испрати до дома, ниту на било кој друг начин да ви покаже внимание. Неговата прва љубов останува и последна, а неговата детска среќа прераснува во семејна идила.
Девојката која ја запозна и во која се вљуби на 18, сега е мајка на неговите деца за кои тој се труди по осум часа на ден. И ако, како млад, тој побрза да го заврши образованието, да стекне работно искуство и да ја побара саканата за жена, сега е исполнет маж на 30 години. Наместо мамурлак од алкохол и цигари, наутро во огледало ги забележува првите брчки на лицето. Очигледно таа брчка е трага на неговиот млад, а сепак толку исполнет живот.
Живее за утринското кафе со сопругата, за вечерното гледање на омилената серија, за школските приредби на децата и годишнините од брак!
Ова е некогашниот машки карактер кој денес се среќава само како ендемски вид. Мажот - некогаш продолжил да ја негува семејната традиција за љубов и домаќинство, за разлика од оној, денес, кој страда за брз автомобил и скап одмор и се разбира за десет девојки, за случајно некоја да не го остави поради она што не е како мажот некогаш!
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
