.gif)
Иако само пет дена не се доволни за запознавање, хемијата и летната ноќ си го направија своето.
Вашиот живот, на моменти, бил попатна станица на многу мажи. Некои случајни минувачи, некои долготрајни станари во вашето срце.
И кога ќе погледнете наназад ги имало доволно и најразлични, но што е тоа што некои од нив заземаат посебно место во вашата меморија, а на некои едвај им се сеќавате на името?
Што има момчето, кое го запознавте на одмор, што за само пет дена ви остави впечаток како да се знаете со години? Зошто првата детска љубов секогаш измамува насмевка на вашето лице или соседот вљубен во вас често ви се врти низ главата?
Вашата детска љубов
Не се сеќавате колку години поминаа оттогаш, но како што ќе кажат и најголемите поети, спомените се свежи како да се од вчера.
Со него ви се случи првиот бакнеж и првата прегратка и заради него го доживеавте првото разочарување. Едноставно тој беше ваша прва љубов.
За кого ги пролеавте првите солзи од вашите невини очи и за кого напишавте дури три споменара?
И после десет години, кога сте среќна и исполнета во новата врска, се сеќавате на момчето чиј сјај во очите ви го осветлуваше патот од детството кон младоста.
Французинот – вашата летна авантура
Иако само пет дена не се доволни за запознавање, хемијата и летната ноќ си го направија своето. А и различните јазици беа пресудни да ги докажете емоциите со гестови. Вашиот одмор ви донесе авантура која ја паметите уште долго потоа!
Зарем не се сеќавате на долгите прошетки по песочната плажа бесконечна како вашите разговори на измешани јазици?
Зарем секогаш кога ќе се сетите не него не се насмевнувате на неговите бакнежи по вашите раце како вистински француски љубовник? Да, тој има посебно место во вашата меморија!
Соседот кој долги години ве освојува
Уште од деновите кога бевте средношколка, тој раскажа на цела населба дека сте му симпатија. Се смеевте на неговиот срам да ви ги презентира освојувачките вештини, уште повеќе на неговата збунета појава секое утро во маалската продавница. Секогаш беше тука за да ве услужи само за да украде насмевка од вашите усни.
Отсекогаш сте го гледале како пријател кој реши искуството во љубовта да го гради со вас, но и како таков маж има посебно место во вашите спомени.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
