.gif)
Има само еден одговор на сите ваши дилеми околу неговата љубов и тој одговор се чита во неговите очи.
Неговото молчење е тивок убиец на вашето трпение и најголем непријател на вашата врска. Како да се задоволите со скромните комплименти за вашата појава кои многу често наликуваат на чиста формалност од типот „Прекрасно игледаш“ или „Преубава си “? Како да го прифатите неговото ретко и бледо „Те сакам“ кога копнеете по вистинска вербална потврда на љубовта?
И секогаш кога ќе останете сами го користите моментот за да го потикнете на зборови кои очајно им се потребни на вашите уши. Не е важно дали сакате да ги слушнете во име на љубовта или во име самодовербата, поважно е дека тој се брани со молчење!
NotForMen препорака: Коментари што не сака да ги слушне
Дали ме сакаш?
Тоа е женското прашање кое ни едно машко не сака да го слуша постојано! Без разлика дали ќе добиете конкретен одговород негова страна, вашата драма е загарантирана на менито од заедничките активности.
Има само еден одговор затоа што мажите функционираат според принципот „зошто сложено кога може едноставно“. Ситуацијата е едноставна и повеќе од очигледна. Со вас е затоа што му значите, а неговиот поглед, насмевка и дела зборуваат во прилог на тоа. Вие само треба да ги препознаете!
И додека вие се обидувате да се помирите со фактот дека тој не ги повторува волшебните зборови доволно често, вие останавте слепи на милион негови докази дека сте му посебна.
Кажи дека сум убава!
Следниот дел од прашањата кои не му се баш меѓу омилените се оние за вашата фигура и стилот на облекување. Повторувајќи по десет пати дека сте дебела, на крај и тој ќе климне со главата во знак на потврдување, а вие тоа го користите како повод за следната караница.
Залудно го прашувате дали да ја облечете старата или новата кошула, затоа што тој мисли дека станува збор за истата. А вашата тоалетна масичка со козметички средтва е мистерија за него. Верувајте дека подеднакво ве сака и со шминка и без неа, а вашите високи потпетици ве прават атрактивна пред него исто како и патиките кога заедно го поминувате неделното поладне во природа. Ве сака токму таква - убава на секој можен начин и нема потреба од дополнителни прашања.
Не прашувајте, туку откријте го одговорот
И се така до недоглед се нижат вашите прашања – негов неспокој. Затоа следниот пат кога ќе ве посети инстиктот за да се осигурате во неговата љубов и да го потикнете да ви обрне внимание, знајте дека тој тоа го прави без да му нагласувате. Зарем тоа искуство не е послатко и поверодостојно - да знаете дека сте негова најдобра без да го принудите на тоа признание. И зарем е воопшто важно на кој начин ќе ви го докаже тоа? Вашата конечна одлука нека биде стоп за непотребните женски прашања на кои тој нема желба да одговори!
Има само еден одговор на сите ваши дилеми околу неговата љубов и тој одговор се чита во неговите очи. А вие сте само една жена која интуитивно може да знае дали му значите и дали сте неговата најубава!
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
