.gif)
Кога се ослободувате од нешто старо, се отвора простор за нешто ново и секако подобро!
Во прегратка со перницата, а во мислите таму некаде каде љубовта се служи бесплатно. Скапо ја плативте минатата, па сега живеете во емотивна мизерија.
Колку и да ви изгледа неправедно во моментов, до среќата и задоволството од вашиот нов љубовен статус ве делат неколку чекори.
Верувајте, подобро е очајната потреба за партнер да ја замените со убавините на сингл животот. Откријте ги предностите на вашата слобода која, во никој случај не значи осаменот!
Во љубовта не се знае...
Се вљубувавте, се трудевте, несвесно повредувавте, се соочувавте со порази, а сега се обидувате да го сфатите сиот тој редослед на нештата.
И да го имате целото искуство на овој свет, нема да ви биде доволно за да, до крај, знаете каде грешевте, кога истите грешки ги повторивте најмалку пет пати, а каде се родија вашите најголеми љубовни успеси, затоа што љубовта е без дефиниција и во неа нема правила.
Затоа, не жалете по изгубеното, туку уживајте додека не го пронајдете вистинското!
NotForMen препорака: И сингл девојка е среќна девојка!
Цената на минатите искуства
И кога ќе ги преброите сите падови и подеми на вашата љубовна стаза, ќе сфатите дека се има своја цена, а оваа на сингл статусот може да ве чини еден возбудлив период на нови искуства.
Можеби филмот за големата романтична љубов беше причина се посилно да потонете во очајнатите желби за сродна душа и уште еднаш да ја проколнете неправедната делба на љубовта на овој свет.
Но, колку за потсетување, среќата од било која луда забава со пријателките во некоја од градските дискотеки не може да се рамни со ниту еден лажен романтичен гест, какви што се повеќето во денешно време.
Затоа побрзајте осаменоста да ја претворите во бесценета слобода!
Предности во недоглед...
Нема повеќе валкани чорапи низ станот, ред за туширање, делба на далечинскиот, дилеми околу готвењето...Зарем тоа не е доволен повод да ја прославите својата слобода?
Првиот чекор од мисијата за реинкарнација по раскинувањето е обновување на сите контакти со старите пријатели кои за ги запоставивте или едноставно вашето пријателство некаде пропадна. Никогаш не знаете кој од нив има привлечен пријател.
Кога се ослободувате од нешто старо, се отвора простор за нешто ново и секако подобро!
Имате милион поводи и уште толку услови за да ги се чувствувате подобро и послободно од било кога!
Време е за ангажирање на нови професионални проекти, а тоа сфатете го како потенцијал да го покорите згодниот шеф на работното место.
Време е за нов имиџ кој ќе биде причина да не можете да се заблагодарите на сите комплименти, затоа побрзајте кон салонот за разубавување.
Време е за понаква вечер со пријателките, затоа не двоумете се да ја зграпчите секоја понуда и да колекционирате искуство плус во вашата младост.
Време е да на сите да ја демонстрирате својата моќ, затоа што вие сте без партнер – но, не и безпомошни, слободни – но, не и осамени. Бидете сами своја божица!
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
