.gif)
Маж што е во врска значи дека бил „тестиран и одобрен“ од некој со сличен интерес, во овој случај некоја друга жена.
Ситуацијата кога момчето кое некогаш трчаше по вас ви станува толку привлечено токму во моментот кога тој ќе си фати нова девојка некако ви е позната.А она познатата „сите добри мажи се зафатени“ има долг стаж на употреба во вашиот речник.
Во превод ова би значело се што е туѓо е послатко или забранетото овошје во љубовта е најпривлечно!
Порталот AskMen.com направи истражување со обид да ја одгатне енигмата зошто жените прават се за зафатените мажи.
Еве ги најчестите причини!
Недостижното е најпосакувано
Ева посегнала по забранетото јаболко, а денешните жени го прават истото со мажите, но и со се останато.
Колку е нешто понедостижно, толку повеќе копнеат по него. На пример брендираната чанта, скапите чевли или луксузниот накит во случај да ви се недостапни ќе сторите се и по секоја цена да ги имате барем за миг. Истото важи и за мажите.
Женската стратегија за заведување на недостижниот маж подразбира илјада и еден начин, заслепени од преголемата еуфорија која им го поматува видот за прескапата цена која ја плаќаат кога на пазарот дозволеното овошје е по многу поповолна цена.
За жените важи правилото оние мажи кои се сингл, се сингл со причина. Колку и изненадувачки да ви изгледа, оние кои се зафатени им се најпосакувани.
Идеализација на зафатените мажи
Слушајќи како пријателките или познајничките ги фалат своите партнери многу жени не можат да не посакаат некој таков покрај себе.
Сознанието дека е посветен на врската го прави уште пошармантен, односно зафатените мажи зрачат со самодоверба за жените кои се обидуваа да ги уловат.
Со самото тоа што веќе е во врска, покажува дека знае да сака и е подготвен да ја официјализира љубовта.
Маж што е во врска значи дека бил „тестиран и одобрен“ од некој со сличен интерес, во овој случај некоја друга жена.
Се чувствуваат посебни во улога на трета личност во врската
Ако мажот ја ризикува својата врска за една или повеќе ноќи со друга жена, тогаш таа другата се доживува како неверојатно привлечна.
Една таква авантура може да биде инјекција за самодоверба која ќе ја разведри долгата суша во љубовниот живот, а всушност причина за лажна надеж и мал милион фантазии дека станува збор за вистинска љубов.
NotForMen препорака: Дали остана некој нормален маж?
Жените сакаат предизвици
Жена која што поседува добар изглед, топлина и позитивни емоции може да освои сингл момче додека трепне, но освојувањето зафатен маж е потешка мисија која за нив претставува предизвик.
Агресивните девојки сметаат дека секогаш постои можност тој да не е толку среќен во врската колку што изгледа, па стапуваат во улога на „спасителка“ за неговиот живот.
Уживаат во двобојот со друга жена
Постојат жени кои едноставно се злобни кон припадничките на истиот пол. Ако во основно се тегнеле за коса, сега сакаат да им ги „тегнат“ мажите. Лечење на комплекси или некој вид на хоби е во прашање, чисто за да видат дали ќе победат, притоа не водејќи сметка за евентуалното емотивно страдање.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
