.gif)
Договорот и почитувањето на ставовите на партнерот се императив за да не се изгубите во комуникацијата која е пресудна во еден љубовен однос.
Најверојатно и вие не еднаш сте се нашле во ситуација да посакате љубовен компас за да откриете во која насока треба да ја придвижувате вашата врска.
На моменти функционирате како сродни души, а веќе следниот миг не можете да се помирите со неговите недостатоци кои во вашата фантазија добиваат размери максимално опасни за вашата заедничка иднина.
Мината ноќ не склопивте око само за да уживате во неговите допири, а денес водењето љубов со него е последното нешто кое го посакувате.
Во која насока се движи вашата врска? Дали и колку треба да се трудите? За да ја идентификувате вашата љубов дајте си време да размислите и да разберете дали ве врзуваат навиката и постелата додека тој се однесува незаинтересирано или се поставува како љубовен диктатор или пак делите исти емоции за кои вреди да се потрудите.
Се се сведува на секс
Дали можеби сте од оние парови чија комуникација е најуспешна во постелата? По една или две партии секс еден пред друг ги откривате и најскриените тајни, а темата секс се провлекува како ваша омилена.
Сексот го користите дури и за помирување по жестоките караници во недостаток на аргументи. Ова можеби е добро на почетокот на врската, но нерешените проблеми може да ви создадат притисок на долг рок кој по некое време нема да биде решлив со жешките допири и сите можни пози во спалната.
NotForMe препорака: Негова девојка или негов РОБ?
Индиферентно однесување
Неговото однесување на моменти е многу чудно. Едвај ги знае имињата на членовите на вашето семејство, а воопшто не му е гајле за вашите деловни успеси или неуспеси, желби, интереси и ставови.
Можеби сте компатибилни во сексот или еднаш одамна додека ве освојуваше ви кажа дека ве сака, но доколку тој тоа не го негува на соодветен начин ќе се почувствувате заробени во врска со тотален странец чие однесување кон вас е индиферентно.
Неговиот диктат
Се жалевте дека поранешното момче постојано климаше со главата на секоја ваша одлука, а секој негов потврден одговор на вашите желби беше дополнителна одговорност за вас.
Ситуацијата со сегашниот партнер е сосема поинаква. Тој дури не ви остава простор за да се искажете. Додека тој се поставува како диктатор во врската, вие сте таа која треба да ги слуша и исполнува неговите наредби.
Кога ќе направите споредба на претходното и ова искуство ќе разберете дека заедничкиот јазик е повеќе од важен за успешна врска.
Договорот и почитувањето на ставовите на партнерот се императив за да не се изгубите во комуникацијата која е пресудна во еден љубовен однос. Сослушувањето во врска ќе ви помогне да не се доведете во ситуација да треба да барате преведувач за зборовите на саканиот токму затоа што не го разбирате што ви зборува.
Кога ќе ги дефинирате овие три нешта во врската ќе знаете во која насока да го насочите срцето кое е ваш најдобар љубовен компас.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
