.gif)
Мојата девојка кога и да готви претерува со зачините. Тоа не ми пречи но доколку тоа е мало количество, а не по половина кутија оригано, сол и црн пипер.
Новата година за многу парови е повод за нов животен стил, поточно за започнување на заеднички живот. Некои тоа го прават радикално, го собираат куферот и се преселуваат кај партнерот или на саканиот му даваат клуч од сопствениот стан притоа ослободувајќи место во плакарот.
И како по правило еуфоријата од заедничкото живеење трае околу недела или две, а што ве очекува потоа?!
Ги прашавме девојките кои се нивните најчести проблеми поврзани со заедничкото живеење во станот кој наместо љубовно гнездо наликува на очајно домаќинство!
Билјана – Кога почнавме да живееме заедно наутро се будев уморна бидејќи цела ноќ му го тегнев ќебето. Дури и потоа кога почнавме да се покриваме со посебни прекривки пак го тегнеше моето.
Ана – Тој никогаш не ја засака мојата омилена супа поради што морав да му готвам друго јадење. Немаме ист вкус дури ни за кафето, а кога го праќам по природен џус тој се враќа со Coca cola.
Дијана – Неговата пасија кон сите чудни електронски уреди беше причина нашиот стан да наликува на работилница. Постојано донесување музички уреди кои ги поврзуваше со чудни кабелчиња, па измислуваше некакви светилки, а нашиот стан беше хаос.
Анастасија – Дечко ми никогаш не научи да ги селектира чистите од валканите алишта. Местото на неговите валкани чорапи беше покрај креветот или пак ги враќаше во плакарот. Страшно!
Миа – Секогаш кога се тушираше дечко ми ќе го потрошеше цел болјер, а потоа дури ќе ме убедуваше да влезам во бања бидејќи останало вода. Вака ми правеше дури и пред важни настани поради што и раскинавме.
Ели – Бидејќи јас се преселив кај него морав да ги трпам сите нивни машки собири кога има фудбал или друг спортски натпревар. Два часа ќе викаа како да се на стадион, а откако ќе си заминеа гостите јас морав да ги собирам празните шишиња од пиво.
NotForMen препорака: Заеднички живот пред брак - да или не?
... а што ќе изјават мажите?
Петар – Шминките во боја на девојка ми можете да ги сретнете насекаде, на покривките, на тепихот и каде уште не низ домот. Тоа ужасно ми пречи, а истото се однесува и за нејзиниот прејак парфем на кој мириса целиот дом и тоа постојано.
Андреј – Мојата девојка кога и да готви претерува со зачините. Тоа не ми пречи но доколку тоа е мало количество, а не по половина кутија оригано, сол или црн пипер.
Сашо – Секоја недела на кафе и доаѓаа сосетката и некои пријателки од средно. Мислам дека соседите беа подготвени да повикаат полиција за нарушување на јавниот ред и мир бидејќи тие се смееја толку гласно што морав побрзо да го напуштам станот за да не ги слушам.
Миле – И покрај тоа што одлично функциониравме како пар и редовно водевме љубов мојата девојка никогаш не прифати да спиеме на ист кревет затоа што и било тесно и топло. И до денес спиеме одвоено за да таа има удобност.
Марко – Мојата девојка на секои две недели бараше од мене да го менуваме распоредот на мебелот со изговор дека и здосадувал изгледот на станот и треба да го поставиме мебелот на поинаков начин. Навистина чудно изгледаше таа наша редовна активност.
-
Не сакаат жена што е наивна романтичарка, напорна критичарка или љубоморна инспекторка. ... -
Еден „log in“ ги дели мажите од илјадници жени, третина од нив веќе и дополу соблечени. ... -
Поголемото е подобро, кога тема на разговор се пенисите, но дали секогаш е така? ...
.gif)
