Штотуку влеговте во врска. Свесни сте дека не може да го дознаете човекот за пет дена. За тоа ќе ви треба подолго време. Не ви се брза, всушност тука лежи забавата.
Но, што ако забавата заврши за помалку од една недела? Но зошто сега да заврши ако има хемија, момчето е фино, мило, нежно, внимателно, човек со кој може да се разговара...? Тогаш што е тоа што може да уништи нечии шанси на почетокот?
Доаѓаме до трагичниот момент кога мора да прекинете нешто што можеше да биде толку убаво. Но едноставно не можете да се помирите со некои факти. Најлошо од сé е што ретко која девојка собира храброст да ја каже вистинската причина зошто така неочекувано сака сé да прекине.
Еве ги оние пресудни моменти на кои треба да бидете подготвени. Можеби некоја од вас веќе се нашла во ваква ситуација.
Постојано чепка во нос. Излегувате на вечера. Вие кревате поглед од менито сакајќи да му кажете нешто, а тој го чепка носот. Стојте здрвена и чекате на моментот кога тој веднаш ќе ја тргне раката, за жал, тоа не се случува. Се тешите дека можеби тоа нема да се повтори. Сега сте осудена да седите настрана бидејќи ви е гад да ве допре. За кратко време истото се повторува. На крај правите ретроспектива и заклучувате дека постојано пред очи имавте згодно момче со прстот во нос. Тотално неприфатливо!
Зјапа по други девојки. Поминува покрај вас девојка со гради колку на Pamela Anderson, не само тој и двајцата ќе се завртите по неа. Има разлика да погледне во нешто толку забележливо, и постојано да зјапа и да се врти по секоја девојка што ќе помине до вас. Навистина е понижувачки вие средена стоите до него, а тој со поглед соблекува друга.
Се пипка во јавност. Што ќе беше од нас ако постојано се чешавме долу особено кога ни растат влакненца, или ја местиме тангата која често знае да биде незгодна. Сосема е во ред ако тоа му се случи еднаш. Можеби не му било удобно и сакал да се намести. Но не иде постојано рацете да му се таму долу и додека шетате или застанете да се поздравите со некого, тој да се пипка.
Цело време плука на улица. Полоша навика речиси и да не постои. Кажал два збора плукнал, кажал уште два збора пак плукнал. Се утепавте од гледање негови плуканици. Па добро прво од кај ги извади толку, второ на што личи тоа да шета покрај вас и да плука на сите страни. Ќе го игнорирате тоа што ви се гади, но не можете да заборавите како сите го гледаат. Па уште прави рекорди колку подалеку ќе плукне. Ужас!
