Освојувањето нема да биде проблем, бидејќи додека вие се мислите, тој веќе ја завршил работата. Неколку убави зборови, релаксирана атмосфера, неговата неодолива насмевка и веќе сте потклекнале на неговиот шарм.
Доколку не ви пречи фактот што многу брзо ќе му здодеете и дека на патот до тоалетот ќе се смешка и ќе застане со уште куп жени, тогаш уживајте и максимално искористете го убавото во него. Но, ако не е така, тогаш засукајте ги ракавите бидејќи ве чека работа.
Искористете ја тактиката од својата мајка.
Тој е навикнат да добива секс за брзо време. Затоа не легнувајте веднаш со него. Колку повеќе го одлагате чинот, толку подолго време ќе го задржите покрај вас. Оставете го да копнее, станете дел од неговите секојдневни фантазии. Од ден на ден желбата кај него ќе расте. Зголемувајте го неговиот копнеж и страст со тоа што ќе му покажете дека и вие сте заинтересирана за тоа, но секогаш нешто излегува кога треба да дојдете до крајот. Сигурно дека нема да сака да си замине, тоа би било исто како да не го изеде колачето што конечно се испече.
Сменете го правецот на неговото размислување.
Сигурно имате претстава дека тој само мисли на секс и дека единствено е заинтересиран само да ве легне. Воопшто не го интересира како сте го поминале денот или како ви е на работа. Човекот нема време за тоа бидејќи има цел список со кандидатки со кои треба да се слушне. Имате право штом мислите така. Но, немате право ако мислите дека нема начин како да го зазборите и да направите да сака да се дружи со вас. Доволно е да ја отворите папката со спорт и сите оние „дилеми" што ги имате. Експертот со задоволство ќе сака да ви објасни.
Не бидете типична жена.
ТОЈ: „Ајде ќе одиме на пијачка, а потоа кај мене." ТАА: „Мене ми е сеедно, како што имаш испланирано така ќе правиме."
За да не бидете и вие ТАА (жените на кој навикнал), кажете го својот став и не исполнувајте ги неговите желби. Можеби вам вечерта не ви се излегува на пијачка како што не ви се легнува со него на првиот состанок. Стојте си до своите принципи. Ќе бидете многу помистична за разлика од останатите незрели девојки што живеат да ги исполнуваат неговите каприци.
Бидете итра и стрплива.
Не фантазирајте дека тој преку ноќ ќе се промени и дека следниот пат кога ќе излезете нема да шара со погледот. Не кревајте врева ако го стори тоа. Покажете дека не сте загрижена и дека сте доволно привлечна и вие да најдете замена за него. Секој човек има слабости затоа потрудете се да ги откриете. Иако звучи злобно, но докажано е дека тоа е сигурен начин да манипулирате со него. Секогаш кога е во онаа фраерска фаза на флертување со други и кога заборава дека има некој што стои до него, удрете го кај што најмногу го боли. Ќе видете како ќе се повлече и ќе наведне глава пред вас.
