Се најдовме во ситуација да се чуваме од женетите момци в град. Затоа, девојки, мора да се заштитите од таквите лажговци кои сакаат да се претставуваат како сингл. Не паѓајте на муабетот дека се зафатени, но дека сакаат да бидат со вас. Да зафатени се и сакаат да бидат со вас само по 12. Зарем навистина мислите дека вие сте таа поради која ќе остави сé?
Тој ќе избере куп слатки зборови со кои ќе ви го испере мозокот. Одеднаш од девојка со принципи ќе станете љубовница која се крие по автомобили и во темнината. Не комплицирајте си го животот кога надвор има многу подобри момци што копнеат да бидат со вас. Но, за тоа ќе зборуваме во друга пригода.
Ајде да се вратиме на проблемот што ни го зададе оваа категорија млади татковци. Како да го откриете нивниот вистински статус?
Од една вечер и нема да можете да дознаете. За жал, постојат големи шанси да паднете во стапицата и на крајот да завршите повредени и понижени. Затоа, подобро отворете ги очите, имате доволно женска интуиција која ќе ви покаже дека нешто не е како што треба.
Прво, не сака да ви го даде фиксниот телефон или имејлот.
Кој денес нема месинџер? Нашите мајки почнаа да висат на интернет, а не па 28-годишно момче. Вие упорно му велите дека правите огромни сметки на мобилен, но тој упорно ви вели дека џабе ќе ви го даде кога ретко се врти дома.
Па нормално, не е луд да ве прифати на Facebook, msn или да почнете да го барате дома. Неговата женичка во секое време може да крене слушалка и да каже: „Сопругот моментно не е дома, а кој го бара?"
Второ, има белег на прстот за бурма.
Нормално дека не е до толку глупав да излегува со бурма в град. Пред излегување, бакнеж до сопругата, а прстенот во џеб. За жал, не може в џеб да го стави и трагот од бурмата. Можеби првиот пат ќе се извлече, но кога тогаш од многу криење на нешто ќе заборави.
Трето, ве тера само навечер да се гледате.
Под изговор дека постојано работи, ќе бара од вас да издржите, сега засега, и да се гледате подоцна во ноќта. Вие како добра девојка се согласувате. Му предлагате да седнете некаде, но тој постојано е уморен и не сака да се меша со луѓе, сака да биде само со вас и затоа секој состанок завршува во автомобил.
Четврто, кај не ве носи никаде во јавност, не ве ни вика дома.
Едното со другото немаат логика. Логично е да сака да биде само со вас, но да не сака да ве покани дома и на раат да се обиде нешто. Едноставно, нешто не е во ред со целата ситуација. Очигледно е дека сака да ве скрие од целиот свет. Фали уште да ве покани да седите во подрум.
