.gif)
Излегувала со момчето речиси 4 години, и одеднаш се појави таа, која ја има свртено пола град, и го зема за себе. Тој заборави на своите принципи и замижа пред сите лоши факти за неа. Од очај и неверување ви доаѓа да си помислите дека е маѓепсан.
Катерина има 28 години. Таа е убава и интелигентна девојка која до пред извесно време веруваше дека е најсреќната девојка на светот. Дојде денот кога ги заврши студиите по медицина, а тоа значеше и почеток на заедничкиот живот со своето момче со кое излегуваше 8 години. Осумте години паднаа во вода за само една недела. Додека таа замина од земјата на кратко, тој замина во туѓа прегратка засекогаш...
„Едноставно човекот заболе од синдромот - провинцијалка, а кој може да се избори со искусни како нив? Ни сто факултети не може да ви помогнат да станете КУЧКА со сила!"
Приказната ни беше добар мотив за денешната тема. Ни се наметна одговорноста да почнеме да ги бараме причините зошто мажите завршуваат со такви девојки? Одговорот го побаравме во книгата на Sherry Argov, "Why Men Marry Bitches?" Еве ги нашите гледишта:
Прва причина: Може да ја посети во кое било време. Додека вие му зборувате за пристојно време, таа му вели остани колку сакаш, а можеш и да преспиеш. Нејзините родители немаат ништо против, напротив, намерно ве оставаат сами за да можете да уживате. Секс во секое време, а плус и со нова девојка. Нешто што од вас го доби по години освојување.
Втора причина: Таа не очекува премногу од него. Не води смета за тоа дали ќе крене слушалка наредниот ден. Ако тој замине, секогаш ќе дојде некој нов. Тој, знаејќи го сето ова, ќе направи сé за да остане, едноставно мажите се натпреваруваат и без да размислат што ги чека на целта.
Трета причина: Не го задушува со правила. Како образована девојка со кариера не сакате да бидете роб на неговите желби. Но, тоа е нешто од кое мажите сé уште не сакаат да се откажат. Вие да му ја перете долната облека, па тоа нема шанси! Кај неа нема правила, буквално никаде ги нема!!! Таквите девојки своите пет минути ги користат откако ќе видат прстен на рака. До тогаш мудро си молчат и по цена да робуваат на неговите страсти и желби.
И каков заклучок ни остана да донесеме по сето ова? Зошто секогаш „КУЧКАТА" е виновна? Го барате виновникот на погрешно место. Да, таа можеби доаѓа од друг град, можеби нема факултет, можеби има автомобил, а вие не... залудно се споредувате кога вашиот љубен се одлучил за неа. Можете да ја навредувате колку сакате, но тоа нема да го смени фактот дека вие сте „шутнатата".
Виновникот нормално дека не сте ни вие. Не може да бидете добра и одеднаш да не чините. Вие сте каква што сте и да не ви паднало на памет да се менувате. Не велете, да не заминев тогаш, тој немаше да ја запознае, обвинувањето и анализирањето не води никаде. Прифатете ја судбината каква што е. Ова е таква ситуација кога можете да седнете и на глас да кажете: „ЈАС КРЕВАМ РАЦЕ!" Па за кого да се борите...
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
