.gif)
Времето на невиноста одамна е зад нас. Почнавме многу лесно да се предаваме на нивните зборови, го скративме времето потребно да нé освојат, ако почесто нé нервира, завршено е сo него.
Кога и зошто станавме такви? Почнавме да градиме сива фасада околу себе, која ретко кој може да ја обои во бело. Ајде да тргнеме од тоа што се променило, за да дојдеме до вистинскиот одговор.
Самостојност, кариера, збор кој има важност, самодоверба... неколку работи што ни го подобрија статусот во општеството. Но, во исто време ја загубивме топлината и претставата за романтиката. Буквално сé почна да се сведува на пари!
Нема пари, нема врска. Некогаш емоциите беа бесплатни. Да знаеш дека има некој што те сака, што те чека да дојдеш од работа за да ти се јави, не беа потребни материјални богатства за тоа, секој имаше право да ужива без пари.
Денес никој не сака да ризикува во името на љубовта. Како да излегувам со него кога нема автомобил да ме земе од дома, не можеме да се земеме бидејќи не ни е решено станбеното прашање, ако не се вработи во рок една, година ќе го оставам, не можам постојано сама да одам по одмори... ретко кој сака да се бори за работата да успее.
Некако се наметнува впечатокот дека вистинска љубов има само помеѓу хомосексуалците. И покрај осудата од јавноста, срамот од семејството, забранетиот брак и деца, ништо не е доволно силно да се спротивстави на силната желба да се биде заедно.
Не верувам дека некоја од вас има можност да се дружи со хомосексуален пар. Кај нас сé уште се плашат јавно да се сакаат. Но, читајќи по странски форуми, а сетете се и на филмот „Brokeback mountain", излегува дека хомосексуалците го враќаат времето на Shakespeare. Живот во страв од другите, постојано криење од јавноста, измислување изговори, борба што се повторува секој ден.
Да бидеш во состојба да умреш за човекот што го сакаш. Колку вие сте во состојба да поднесувате за да ја одржите врската жива? Дали автомобилот и подароците се пресуден фактор за да споделите емоција со некого? Чекаме на вашиот став!
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
