.gif)
На вашиот партнер не му оди најдобро во кревет или можеби прави нешто што не ви се допаѓа. Дали треба да ја чувате тајната или да му кажете? Доколку молчите, така само ќе дозволите врската да оди во надолна линија, па затоа најдобро е отворено да му ги посочите грешките. Но за да не ги повредите неговите чувства, најважно од се е да го одберете начинот на кој ќе му го кажете проблемот.
Најдете заеднички јазик...
Кога ќе забележите дека е расположен и дека не е под некаков притисок, тогаш прашајте го што тој мисли и што чувствува во врска со вашиот секс. Така можете да го започнете разговорот кој понатаму ќе води до откривање и на вашите желби кои не сте ги кажале досега. Секогаш имајте позитивен пристап при разговорот за сексуалните проблеми и сексуалните желби, кој нема да содржи негативни критики. Партнерот не смее да си помисли дека е лош љубовник. Почнете најпрво да зборувате за неговите желби, а потоа кажете му ги своите.
На пример: "потегот што го направи вчера беше супер, но јас мислам дека би било подобро тоа да го направиме малку пoбрзо, бидејќи така побрзо се возбудувам"....или.."обожавам кога твојата рака се наоѓа на мојот клиторис за време на сексот", "позата што вчера ја применивме ми создава болка, поради тоа мојата возбуда се губи, мислам дека не треба да ја практикуваме". Ако по првите неколку реченици сфатите дека не му одговара разговорот, тогаш сменете ја темата, а тој сигурно ќе се замисли за тоа што го кажавте.
Бидете што повеќе релаксирани, ако сакате да најдете заеднички јазик. За да ви биде полесно, обидете се на еден позабавен начин да му ги кажете вашите потреби. Само така, во веќе создадената релаксирана атмосфера, вашиот партнер нема да се почувствува повредено.
Покажете му што ве возбудува...
Во никој случај не смее да ви дојде на памет во сред секс да му објаснувате што ви се допаѓа, а што не. Тоа можете да го постигнете и на друг начин преку кој вашиот партнер ќе сфати што вие всушност сакате и што ве возбудува.
Додека трае сексот фатете го за рака и полека, нежно, одведете го на она место каде што сакате да ве милува. Дадете му на знаење дека уживате, со тоа што ќе почнете да стенкате и длабоко да воздивнувате. Или пак можете да иницирате некоја поза која вас посебно ве возбудува, а многу малку ја употребувате, односно, скоро никогаш.
Но имајте на ум дека, доколку не му се допаѓа тој ваш потег, не смеете да го присилувате да го прави. А доколку пак видите дека тој навистина се труди да ве задоволи со тоа што ги разбира вашите пораки и ги применува, тогаш ценете ги неговите напори за подобрување на сексот. Охрабрете го за да му се зголеми желбата и да направи се за да се подобри заедничкото сексуално задоволство.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
