.gif)
Се согласуваме дека за добрите работи понекогаш треба да се трпи и пати, но кога подобро ќе размислите...што е тука добро? Ова може да ви се случи кога ќе запознаете некое згодно момче кое ве остава без здив само кога ќе го погледнете. Но, подоцна доаѓате до заклучок дека ова момче има особини што не ви се допаѓаат и ужасно ве иритираат. Знаеме дека е глупаво да им објаснувате на оние околу вас зошто сте откачиле ваков преубав тип поради тоа што подждригнува или шлапка додека јаде. Но, тажна е вистината кога со секој негов нов потег ви оди на нерви. Не знаете како тоа да го промените? Бидете суптилни, натерајте го да се замисли и да размисли како тоа сам да го промени.
Јаде со отворена уста...
Додека јаде, можете да му ги преброите сите пломби. Искористете ги благодатите на дигиталната доба. Кажете му дека првпат гледате некој што толку ужива во храната и дека мора да го снимате со мобилниот додека јаде. Мажите се визуелни типови. Кога ќе му ја покажете снимката и кога ќе види колку лошо изгледа додека јаде, ќе се подзамисли и сигурно ќе се потруди тоа да го смени.
Не мириса баш како цвеќе...
Неговите телесни миризби понекогаш се неподносливи. Но, незгодно ви е да му кажете за да не се навреди. Затоа поклонете му гел за туширање или некој дезодоранс со пријатен мирис и кажете му дека тој мирис особено ве возбудува. Изненадете го со брз секс следниот пат кога ќе излезе од туширање и почнете мирисот на дезодорансот или гелот за туширање да го поврзувате со сексот. Така ќе го натерате да ги користи секојдневно и тоа по неколку пати.
Нема навика да ги мие забите...
Судејќи по лошата миризба на здивот, мислите дека тој не ги мие забите. За да се поштедите, заплашете го со приказната за некој ваш пријател кој не сакал да ги мие забите или, пак, се плашел да оди на стоматолог, поради што подоцна останал без повеќето од забите. Кажете му дека поради тоа морал подоцна да плати голема сума пари за да му стават нови и да помине неколку месеци на стоматолошкиот стол. Во меѓувреме, прашањето со лошиот здив решете го со гума за џвакање.
Ги зема вашите работи без прашање...
Почна да се однесува премногу слободно и во вашиот простор да се чувствува како да е дома. Тој смета дека сè што е ваше е и негово. Како сè да е нормално, ви го зема последниот ред од чоколадата, колачот од фрижидерот или си ги носи дома списанијата што сте си ги купиле. За да му дадете до знаење дека тоа ви пречи, следниот пат кога ќе бидете кај него, земете му нешто што навистина многу го сака и однесете си го дома. Ако се бунтува, кажете му дека сте мислеле дека нема да му пречи бидејќи и тој го прави истото. Сигурно, следниот пат кога ќе дојде кај вас, ќе побара дозвола кога ќе сака да понесе нешто со себе.
Редовно доцни...
Тој редовно доцни. На вашиот состанок понекогаш доцни и по половина час, а тоа вам ужасно ви пречи. Тој дури задоцни и на вечерата на која требаше да се запознае со вашите родители. Но, тој тоа го прави затоа што знае дека може и дека му е дозволено. Знае дека секогаш кога доцни не ви е никаков проблем да го почекате или пак да го оправдате пред другите. Сменете ја тактиката. Следниот пат кога ќе задоцни, кренете го сидрото, малку нека се замисли.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
