.gif)
Запознавте преслатко момче, си разменивте броеви...По неколку дена ве повика повторно да се видите. Вечерта во диско супер се забавувавте, а потоа следеа секси СМС-пораки и целовечерни разговори на телефон со него. Една вечер дури и преспавте кај него....и тогаш сè исчезна. Не ви се јави повторно, не одговара на вашите пораки, кога му се јавивте, рече дека е во мешаница и дека ќе ви се јави, но тоа не се случи. Кончено го уловивте во една од нашите дискотеки, а тој почна да се вади од ситуацијат „Ама, знаеш...јас...не сум подготвен за сериозна врска....извини".
Зошто ни го прават тоа?
Затоа што можат! Мажите имаат проблем со блискоста и врските. Кога врската почнува да станува сериозна, се чувствуваат заробени. Пребрзото врзување и преголемото разменување чувства, кај мажите предизвикуваат паника.
Друга причина може да биде таа дека се плаши да биде оставен, па затоа тој го презема првиот чекор. Полесно е да оставиш отколку да бидеш оставен.
Третата причина и најболна е дека можеби имал преголеми очекувања. Во неговите соништа, љубовта мора да биде совршена, а ако не ја остварил таа идеалност, кривецот секако е погрешната девојка, односно вие.
Не бидете наметливи...
Кога ќе забележите дека неговите чувства не се со истиот интензитет како на почетокот, можете ли нешто да преземете?
За жал, не!Ако сака да се тргне од вас, не можете да го спречите, без разлика која и да му е причината. Проблемот е во тоа што ние жените не можеме тоа така лесно да го прифатиме. Па затоа постои ризик да станете наметливи, а така само ќе добиете спротивен ефект. Но, ако сепак сакате да расчистите најпријателски, тогаш испратете му СМС-порака во која ќе напишете дека е штета што се завршило на ваков начин и дека може слободно да ве побара ако сака да разговарате во врска со тоа. Ништо повеќе од тоа! Немојте да ги анализирате неговите емоционални проблеми и престанете да анализирате што всушност се случило помеѓу вас двајца.
Совети:
Не губете ја главата!
Можете да бидете заљубени, но имајте контрола над сопствениот живот
Не мешајте го сексот со љубовта!
За вас сексот е знак на длабока поврзаност, а за него сексот е само секс.
Играјте со отворени карти!
Не плашете се да го прашате за каква врска е подготвен
Внимавајте на неговите сомничави изјави!
Ако уште на првиот состанок ви каже дека вие сте жената на неговиот живот, прашајте се дали тоа се однесува на вас или се работи за некоја негова идеална проекција.
Не заборавајте!
Ако ве остави или ако ве повреди, значи дека не бил доволно вреден за вас, а од таквите подобро да се тргнете порано отколку подоцна.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
