NotForMen

По вечерната луда забава завршивте в кревет со момчето што долго време ви се допаѓаше. Сè помина совршено. Неговите постапки по сексот откриваат многу повеќе за неговата личност и за неговите намери кон вас отколку претходно. Доколку бидете внимателни, тогаш ќе може да ги дешифрирате неговите намери и да знаете како правилно да постапите за да не бидете повредени. Еве три типични примери како мажите се однесуваат по сексот:

Се „залепил" за вас

„Конечно и еден кој не е алергичен на брак" - ќе си помислите...Но, ако се залепил за вас така што почнува да ви станува сомнителен, тогаш размислете. Можеби е само гладен за брак или внимание, но можеби сака да ја заборави бившата девојка. Кога мажот не може да ја преболи бившата, во следната врска често дава сè од себе за да ја исполни празнината која настанала во неговиот живот. Дали навистина сакате да бидете девојка за одвикнување и рамо за плачење?

Вели: „Ќе се видиме наскоро"

Ако ги изговори овие судбоносни зборови во моментот кога ќе излегува од вашиот стан, бидете сигурни дека повеќе никогаш нема да го видите. Тоа не е ништо друго, туку само кукавички начин како да ви каже: „Беше забавно, но сепак не сум заинтересиран за тебе".Ако е навистина заинтересиран, пред да замине ќе ве праша кога повторно ќе се видите или ќе ви каже нешто слатко како на пример: „Ќе мислам на тебе цел ден".

Ве испрашува

Навистина е слатко тоа што тој сака да знае дали ве задоволил како што треба и дали ги исполнил вашите очекувања, но ако продолжи со прашањата, така што ќе дојдете до ситуација да се почувствувате како учесник во некој квиз, бидете сигурни дека неговото сопствено его му е многу подраго од вас. Значи, ако ве праша: „Дали ти беше убаво", тогаш е нормален, но ако прoдолжи со прашање од типот: „Сигурна си?", бегајте од него.

• 
  Девојка за озбилно или девојка за забава?
  Се гледате веќе месец дена интензивно, а се уште не знаете дали официјално сте во врска? ...
• 
  Дали да живеете со вашето момче?
    Запомнете, живеењето со вас можеби не е секогаш лесно како прошетка до парк и за него. ...
• 
  Мажите низ 14 забавни цитати
  „Кога маж од 40 години се заљубува во девојка од 20, тој не ја бара нејзината младост, туку својата.“ ...