NotForMen

Доколку престане да ви ги раскажува своите романтични искуства со претходните девојки...вие сте негова следна мета

Долго време сте пријатели со момчето кое го познавате уште од средношколските денови. Но, со текот на времето сфаќате дека всушност вие за него почнувате да претставувате нешто повеќе од пријателка. Одеднаш тој почнува емотивно да реагира на вашите постапки. Дилемата е, дали и тој е заљубен во вас или едноставно ве смета за премногу блиска, па си дозволува себе си да реагира на тој начин? Ако не сте сигурни, еве како да ги протолкувате знаците:

• СЕ ДОТЕРУВА КОГА ВИ ДОАЃА НА ГОСТИ

Доколку вашиот пријател наеднаш почна да облекува поелегантни и убави парчиња облека кога е во ваша близина, тогаш повеќе од сигурно е дека тука има нешто. Луѓето сакаат да се претстават во што е можно подобро светло пред оние кои ги привлекуваат.. Доколку не му се допаѓате, тој нема да се оптеретува со својот изглед и нема посебно да се дотерува за да се дружи со вас во вашиот стан, туку ќе дојде во обични тренерки и ќе подждригнува пиејќи пиво.

• ПОВЕЌЕ НЕ РАЗГОВАРАТЕ ЗА НЕГОВИТЕ ДЕВОЈКИ

Доколку вашиот пријател наеднаш престане да ви ги раскажува своите романтични искуства со претходните девојки, има голема шанса дека вие сте неговата следна мета. Мажот кој не гледа ништо повеќе во вас освен пријател на кој може да му се довери прашува за ваше мислење за секоја девојка што ја запознал, дури и ако тоа е некоја непозната со која споделил само насмевка.

• РЕАГИРА ЕМОТИВНО НА НЕШТАТА ПОВРЗАНИ СО ВАС

Тука посебно треба да внимавате, бидејќи кога машките емоции ќе стапат на сцена ситуацијата станува деликатна. Ако на почетокот ве советуваше како да постапувате со мажите во вашиот живот, сега, тој прави кисела и лута фаца секогаш кога ќе почнете да му раскажувате за момчето со кое сте биле на вечера минатата ноќ. Кога станувате негова симпатија или потенцијален партнер овие интимни разговори ќе почнат да го загрижуваат бидејќи ќе си помисли дека тој нема никакви шанси кај вас.

СОВЕТ ПЛУС!
Доколку вие не го чувствувате истото, ваквото пријателство е осудено на пропаст. Колку и да се трудите да му објасните и да разговарате во врска за вашата релација -пријатели...неговата поинаква љубов кон вас нема да исчезне. Колку и да е болно, ако гледате дека нема друг излез, прекинете го пријателството. Така ќе си помогнете себе си, а и на вашиот „пријател".

• 
  Девојка за озбилно или девојка за забава?
  Се гледате веќе месец дена интензивно, а се уште не знаете дали официјално сте во врска? ...
• 
  Дали да живеете со вашето момче?
    Запомнете, живеењето со вас можеби не е секогаш лесно како прошетка до парк и за него. ...
• 
  Мажите низ 14 забавни цитати
  „Кога маж од 40 години се заљубува во девојка од 20, тој не ја бара нејзината младост, туку својата.“ ...