.gif)
Оној што се обидува да ве смени, да го смени вашиот начин на размислување, однесување, облекување, одење...НЕ ВЕ САКА!
ДЕФИНИРАЈТЕ ЉУБОВ; ДЕФИНИРАЈТЕ ОПСЕСИЈА; НАЈДЕТЕ ЈА РАЗЛИКАТА!
Љубовта е чувство што подразбира збир од чувства за друга личност. Кога некого искрено сакате, тогаш ја почитувате таа личност, ви претставува задоволство да ги исполнувате неговите желби и што е најважно немате против да ги сакате работите кои го разликуваат од вашиот карактер.
Опсесијата е фокусирање на самиот себе, иако можеби не се чини дека е така. Додека љубовта се сосредоточува на потребите на партнерот, опсесијата подразбира фокус на сопствените желби и потреби кои по секоја цена мора да бидат исполнети. Тоа е патолошка желба за поседување на другата личност; партнерот станува трофеј или предмет за употреба. Опсесивната љубов во никој случај не може да биде здрава од причина што го загрозува предметот на опсесија, во овој случај партнерот.
John D. Moore, автор на книгата „Confusing Love with Obsession", разликува 4 фази на љубовната опсесија:
АТРАКЦИЈА - личноста го забележува потенцијалниот партнер за кој развива опсесија. Ваквата фаза се одвива многу брзо, тој/таа веќе ја замислува својата романтична љубов и почнува да планира. Го воочува физичкиот изглед и не ги перципира знаковите кои можеби укажуваат дека другата страна не е заинтересирана, туку слепо оди кон својата цел на освојување.
ПОСЕСИВНОСТ- тој/таа постојано води сметка за опкружувањето на својот партнер. Покажува болни знаци на љубомора; испади слични на оние што ги прават малите деца кога ќе им ја земете играчката, само што овде нив ништо не им е земено.
НАВЛЕГУВАЊЕ ВО ТУЃИОТ ЖИВОТ - опседнатото лице постојано го прати животот на „саканиот" обидувајќи се што повеќе да се наметне. Исклучително глуми пред родителите со цел да биде прифатен и да го обезбеди своето место покрај својата „љубов."
ДЕПРЕСИЈА- во последната фаза, личноста се чувствува виновно, ја губи свеста, често се препушта на алкохолот, а во екстремните случаи може да дојде и до обид за самоубиство. Често имаат потреба да и се освестат на личноста што одбила да биде со нив, а во никој случај нема да признаат дека нешто се случува.
КАКО ДА ПРЕПОЗНАТЕ ДЕКА ТОЈ Е ОПСЕДНАТ СО ВАС?
Воопшто нека не ве чуди ако опсесијата на партнерот ја толкувате како љубов. Ова не е ретка појава и затоа морате на време да се информирате, за да побарате одредени знаци во неговото однесување кои покажуваат дека сепак работите не се како што треба да бидат.
Оној што се обидува да ве смени, да го смени вашиот начин на размислување, однесување, облекување, одење...НЕ ВЕ САКА! Луѓето што се екстремно љубоморни; не ве пушта да излегувате со пријателките, ви забранува да комуницирате со спротивниот пол и слично, ве сака посесивно само за себе. Ако таа личност постојано ве следи, ви се јавува на секои 5 минути додека сте на работа, го чепка вашиот компјутер или мобилен, проверува дали сте облекле прекусо здолниште...Тогаш, најверојатно си имате работа со личност која развила опсесија кон вас. Имајте на ум дека животот со таков човек може скапо да ве чини!
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
