Да, мажите се опседнати со видео игри, но тоа не значи дека ве сметаат за досадна!
Секоја девојка има конкретна дилема кога станува збор за нејзината врска. Но, на крајот, сите девојки се двоумат за истите работи, колку различно и да се поставени односите помеѓу нив и нивните момчиња. Не е дека не ги знаеме одговорите на овие прашања, но можеби вистината е премногу сурова за нас па сакаме да се залажуваме. Сепак девојки, прифатете ги одговорите на вашите најчесто поставувани прашања и почнете да ги практикувате во реалноста.
1. ЗОШТО НЕ МИ СЕ ЈАВУВА?
Не му се допаѓате доволно. Зафатен е. Не барајте причини туку продолжете понатаму. Не чекајте покрај телефонот. Тој треба да чека на вас, а не обратно.
2. ЗОШТО РАЗЛИЧНО СЕ ОДНЕСУВА СО МЕНЕ ПРЕД НЕГОВИТЕ ДРУГАРИ?
Не е сигурен. Мисли дека вие ќе го сакате само на еден начин, а другарите на сосема поинаков.
3. ЗОШТО НЕ МИ „ЈА ВОЗВРАЌА УСЛУГАТА"?
Себичен е или едноставно неспособен. Како и да е, треба да дознае за тоа. Кажете му што вие мислите за таа работа.
4. ЗОШТО НЕ МИ КАЖУВА: „И ЈАС ТЕ САКАМ ТЕБЕ"?
Тоа е голема работа. Или е исплашен или едноставно не го чувствува истото што и вие. Можеби врската се уште не стигнала до тој степен? За некои луѓе, кажувањето „те сакам" е голема работа и сметаат дека треба да го кажат тоа во вистинскиот момент. Не форсирајте ги работите. Ќе ви го каже тоа кога ќе биде подготвен и кога најмалку очекувате.
5. ЗОШТО СЕКОГАШ ИГРА НА PLAY STATION?
Видео игрите се забавни. Може да биде војник, херој, чудовиште, витез и тоа се во еден ден. Со нив се релаксира затоа што не треба да размислуваат многу. Не му забранувајте да игра. Целата негативна енергија ќе ја троши на нив, а за вас ќе остане најубавото од него.
6. ЗОШТО ЕДЕН МОМЕНТ Е НЕЖЕН, А ДРУГИОТ ТОЛКУ ДАЛЕЧЕН?
Ние сме сложени суштества. Имаме најразлични чувства. За да се средат чувствата е потребно многу време, особено ако сте на почеток на врската.
7. ЗОШТО МУ Е ТОЛКУ ВАЖНО ДА СУМ СЛАБА?
Девојки, оваа мисла е само во вашиот мозок. Баш напротив, тие ги сакаат облините, мускулите, вистинскиот затегнат задник, рацете...
8. ЗОШТО НЕ САКА ДА СЕ ГАЛИ ПОСЛЕ СЕКС?
За разлика од жените, кои после сексот сакаат сите емоции да ги сведат на милување и галење со партнерот, мажите по ејакулацијата се исцрпени. Не е дека не сакаат, едноставно не можат.
9. ЗОШТО МУ Е ТОЛКУ ВАЖНО ДА БИДАМ НЕГОВА „ДЕВОЈКА"?
Како и вие, тој сака да знае каде води целата работа. Не сака да ве дели со некој друг и едноставно не сака да се гледате само од време на време.
10. ЗОШТО ГЛЕДА ПОРНО ФИЛМОВИ? НЕЛИ СУМ МУ ДОВОЛНА?
Тоа нема апсолутно никаква врска со вас. Едноставно сака да ги спореди работите и можеби да научи нешто ново. Од каде знаете, можеби некој ден ќе ве изненади со некој секс потег што го научил токму од порно филмовите.
