Повеќето мажи се согласуваат вие да им помогнете во изборот на облека.
Секојдневно дознаваме се повеќе и повеќе интересни нешта за мажите, а сепак тие за нас се уште се мистерија. Сигурно многу од вас би сакале да бидат информирани за тоа што точно партнерот сака и мисли за вас. Би било поедноставно кога ние би можеле да им ги читаме мислите. Но, сепак ни мажите не се толку поразлични од нас жените. И тие имаат чувства, можат да бидат романтични и сакаат да направат да се чувствуваме убаво. Самите тие ни дадоа изјави и ни открија некои работи за кои повеќето од нас не сме ги знаеле. Прочитајте кои се тие.
Мажите знаат што сакаат жените. - „Но, ако постојано ви го даваме тоа што го сакате, ќе ви здодее и ќе посакате нешто сосема друго. Знаеме дека сакате да бидеме сензитивни и романтични. И ние можеме да бидеме такви. Но сакаме и да бидеме мистериозни - жените тоа го сакаат.“
Мажите сакаат да бидат романтични. - „Верувале или не и ние сакаме да се галиме. На нас само ни треба вистинскиот момент за тоа. Сигурно тоа нема да се случи додека има фудбал.“
Мажите знаат дека им се јавувате и веднаш им спуштате слушалка. - „За нас тоа е сосема во ред - додека е со мерка.“
Ако им кажете на мажите "јави ми се," тие нема да го направат тоа - „Барем не неколку денови. Тоа не значи дека не ни се допаѓате; тоа е само наш начин да играме тешки за добивање.“
Мажите сакаат да се чувствувате убаво, и физички и психички, но мора да им кажеме што точно сакаме да направат. - „Мажите не се толку перцептивни, па затоа ако ни кажете што треба да направиме верувајте дека ќе запамтиме.“
На мажите не им е толку важно како изгледаат, освен ако на нас не ни е тоа важно. - „Мажите се несредени, и ќе бидеме уште понесредени ако не беа жените.“
Мажите сакаат да бидете како нивните мајки. - „Мажите остануваат дечиња цел свој живот. Сакаме да бидеме гушкани и не ни смета ако понекогаш не потсетувате на работите кои треба да ги направиме како на пример закажаниот термин за лекар - ова прави да се чувствуваме дека се грижите за нас. Но, не сакаме кога жените одат по нас и викаат дека правиме голем неред.“-
На мажите не им пречи кога им ја одбирате облеката. - „Кога станува збор за мода, повеќето мажи не се разбираат. Повеќе сакаме кога вие ќе ни кажете што да облечеме. Но, ова важи само кога треба некаде да излеземе, но не и кога сме дома.“
И мажите не сакаат да бидат повредени. - „Сите мажи се плашат од пребрзо зближување со партнерката. Затоа понекогаш сме ладни, не затоа што не ни се допаѓате. Се плашиме да не бидеме повредени. И ние имаме чувства.“
