NotForMen

Кога момче дискутира за идни планови, во кои сте и вие вклучена, тоа значи дека тој претпоставува дека уште долго време ќе бидете дел од неговиот живот.

Дали знаете според што одредува вашиот партнер дали вие сте вистинската за него или не? Дали некогаш сте помислиле дали тоа е можеби вашиот изглед или пак вашите карактерни особини?

Дознајте според што се раководат тие. Доколку ги исполнува овие критериуми, тогаш подгответе се за свадбените ѕвона.

Ве запознава со сите

Сака да ве запознае со неговите пријатели, неговото семејство, а особено со неговите родители. Не се срами да ве покаже и едноставно е горд на вас.

Слики од вас

Насекаде има слики од вас, во неговата соба, на неговиот мобилен, на неговиот Facebook профил... Дури го има и променето статус на профилот.

Се труди

Се труди околу вас. Сака да знае што ве интересира, што ве изненадува и импресионира. Доколку ги памети сите оние мали работи што ве интересираат, изненадуваат и импресионираат, значи дека сте му посебна во животот.

Отворен е со вас

Ги знаете сите негови пријатели, цело семејство, сите колеги... Ги знаете дури и најмалите разговори што ги има со неговите пријатели за вас. Внимателен е со вас и не се срами да ве бакне пред пријателите. Тоа е знак дека сака да му верувате и дека не крие ништо од вас.

Иднина со вас

Зборува што ќе правите заедно во иднината. Планира идни настани и патувања заедно со вас. Кога момче дискутира за идни планови, во кои сте и вие вклучена, тоа значи дека тој претпоставува дека уште долго време ќе бидете дел од неговиот живот.

Секогаш достапен

Секогаш е тука за вас. Кога и да му се јавите и му кажете дека имате проблем, или доколку и да немате посебна причина за да се видите со него, тој буквално ќе долета за вас. Иако не е зборлест и не сака да се објаснува на телефон, тој обожува да го прави тоа со вас. Тоа значи дека сака да поминува време со вас и ве гледа како приоритет број 1.

Погледите се свртени кон вас

Постојано гледа кон вас. Некогаш дури ви наликува на гладно кученце кое гледа кон храната на која нетрпеливо сака да и рипне. Тоа значи дека е толку заљубен во вас, што дури и погледот не може да го тргне.

• 
  Девојка за озбилно или девојка за забава?
  Се гледате веќе месец дена интензивно, а се уште не знаете дали официјално сте во врска? ...
• 
  Дали да живеете со вашето момче?
    Запомнете, живеењето со вас можеби не е секогаш лесно како прошетка до парк и за него. ...
• 
  Мажите низ 14 забавни цитати
  „Кога маж од 40 години се заљубува во девојка од 20, тој не ја бара нејзината младост, туку својата.“ ...