NotForMen

Честата промена на сексуалните партнерки за мажите претставува признание дека тие се добри во сексот и дека се посакувани. Обично, сакаат на оваа тема да разговараат со своите најверни пријатели и да се фалат со детали. Тоа е едноставно придружна состојка на секој машки ген.

Но, дали кога разговараме ние со нив на оваа тема, ја кажуваат вистинската бројка на сексуални партнерки? Дали се целосно искрени или само сакаат да се покажат пред другите како добри сексуални партнери?

Но, ќе поставиме уште едно прашање. Дали и ние сме целосно искрени за бројот на нашите сексуални партнери?

Мажите споделуваат колку партнерки имале според тоа колку блиски биле со нив. Доколку биле премногу блиски, дефинитивно ќе биде спомената и запомнета. Но, доколку била девојка само за една вечер колку вашиот партнер да ги задоволи сексуалните потреби, тогаш сеќавањата за оваа девојка ќе бидат магливи.

За разлика од нив, жените обично набројуваат како да водат листа. Најчесто почнуваат од најдалечните партнери па се до сегашните, омаловажувајќи ги најстарите партнери како грешки во нивниот живот.

Но, дали жените и мажите имаат ист број на сексуални партнери?

Според најновите истражувања од 2005-тата година, направени на 2065 испитаници, бројот на сексуални партнери на жените е 8,6, додека пак кај мажите е 31,9.

Најчесто, мажите или го измислуваат бројот на досегашни сексуални партнерки или едноставно го прилагодуваат за да не ја повредат новата партнерка.

Секогаш постои и онаа можност дека ако премногу му значите на партнерот и сака да биде целосно искрен со вас, тогаш ќе ја сподели фамозната бројка. Внимавајте, кога ќе ја чуете бројката да не паднете во шок, бидејќи може да прилично голема.

Доколку е искрен со вас, можеби и вие треба со него да ја споделите бројката за досегашните сексуални партнери. Ако имате разбирање нема да избие караница, иако малку ќе ви биде непријатно и на двајцата кога ќе го дознаете меѓусебниот број на сексуални партнери од минатото.