NotForMen

Најчесто поставуваното прашање меѓу жените е: Дали ме сака? Одговорот е најразличен за секој пар, затоа што секој има различна претстава за тоа што претставува љубовта. Некои сакаат да постои сексуална хемија, некои бараат почит, а на некои пак им е доволно да слушаат само „те сакам".

За да го насочите вашиот живот во вистинската насока, мора да се запознаете со трите фази на машкото заљубување.

Љубов на прв поглед

Мажите почесто се заљубуваат на прв поглед од жените. 90% од нивните одлуки се базираат на вашиот визуелен изглед и способноста за репродукција. Сите мажи кога ќе ве погледнат сакаат да видат нешто младо, здраво, полно со енергија. Вашите физички карактеристики и виталноста се клучни за мажите во првите моменти од вашиот контакт. Тоа не значи дека треба да бидете манекенка, но доволно е само да се чувствувате пријатно во своја кожа и да бидете сигурни дека тој што го посакувате ќе падне токму пред вашите нозе.

Оваа фаза е сексуалната хемија. За него сте само една од многуте затоа што се уште го привлекуваат и други жени.

Посебна е

Не се карајте со него затоа што погледнал друга жена. Немојте да го правите тоа во ниту еден момент од вашата врска. Тоа е вградено во неговите гени, а не е дека вие не се вртите кога ќе видите згодно момче на улица, без разлика колку сте заљубени во својот партнер. Се уште го привлекуваат други жени, но има нешто во врска со вас што никако не може да си го објасни. Започнува поразлично да размислува за вас, му се зголемува желбата да бидете заедно и едноставно ужива во ваше друштво.

Совет: избегнувајте го кога денот ви е лош. Не покажувајте му дека сте под стрес, дека сте нервозни и не се истурајте на кого стигнете. Такви моменти ќе го оддалечат од вас, а вие лесно ќе се разочарате.

Таа е вистинската

Во оваа фаза нема да има потреба да се прашувате дали ве сака, бидејќи ќе знаете. Тој нема никаков проблем да признае што чувствува, и можеби нема секогаш да каже „те сакам", но ќе најде начин тоа да го покаже. Ова секако не мора да значи дека веднаш ќе стапите во брак со него, но едноставно тој смета дека вие сте таа со која сака да ги сподели случувањата во својот живот.